Maruti Brezza ભારતની સૌથી લોકપ્રિય કોમ્પેક્ટ SUVs માંથી એક છે અને હવે તેના નવા અવતારની આતુરતાથી રાહ જોવાઈ રહી છે. તાજેતરમાં જ તેનું ફેસલિફ્ટ મોડલ પહાડી રસ્તાઓ પર ટેસ્ટિંગ દરમિયાન જોવા મળ્યું છે. કંપની આ કારને મુશ્કેલ પરિસ્થિતિઓમાં પરખી રહી છે જેથી નવું મોડલ પહેલા કરતા વધુ પાવરફુલ અને ભરોસાપાત્ર સાબિત થાય. માનવામાં આવી રહ્યું છે કે નવી Brezza ને 2026 ની શરૂઆતમાં અથવા તો તેનાથી થોડા સમય પહેલા ફેસ્ટિવ સીઝન દરમિયાન માર્કેટમાં ઉતારવામાં આવશે.
ડિઝાઈનમાં કેવા ફેરફાર જોવા મળશે?
નવી Maruti Brezza નો ઓવરઓલ બોડી શેપ વર્તમાન મોડલ જેવો જ રહેશે પરંતુ લૂકને આધુનિક બનાવવા માટે ઘણા બદલાવ કરાયા છે. સ્પાચ તસવીરો પરથી જાણવા મળે છે કે તેના ફ્રન્ટ પ્રોફાઈલમાં નવી અને શાર્પ ગ્રિલ આપવામાં આવશે. LED DRLs ની ડિઝાઈન યથાવત રહી શકે છે પરંતુ બંપરમાં ફેરફાર જોવા મળશે. સાઈડ પ્રોફાઈલમાં નવા બ્લેક ફિનિશ ધરાવતા 4-spoke એલોય વ્હીલ્સ આ SUV ને ફ્રેશ લૂક આપશે. પાછળના ભાગમાં નવી રિયર લાઈટ બાર અને અપડેટેડ બંપર તેને વધુ સ્પોર્ટી બનાવશે.
પ્રીમિયમ ઈન્ટિરિયર અને હાઈટેક સુવિધાઓ
નવી Brezza ના કેબિનમાં સૌથી મોટો ફેરફાર 10.1-inch ની મોટી ટચસ્ક્રીન ઈન્ફોટેનમેન્ટ સિસ્ટમના રૂપમાં જોવા મળશે. તેમાં નવા સોફ્ટવેર અને ફાસ્ટ કનેક્ટિવિટીની સુવિધા હશે. ડેશબોર્ડ પર નવા કલર ઓપ્શન અને પ્રીમિયમ મટિરિયલનો ઉપયોગ કરવામાં આવશે. આ ઉપરાંત વેટિલેટેડ ફ્રન્ટ સીટ્સ, એમ્બિયન્ટ લાઈટિંગ અને પાવર્ડ ડ્રાઈવર સીટ જેવા ફીચર્સ આ SUV ને લક્ઝરી ફિલ આપશે.
સેફ્ટીમાં આવશે મોટો ઉછાળો: લેવલ 2 ADAS ની એન્ટ્રી
Maruti Brezza Facelift માં સુરક્ષાને લઈને સૌથી ચર્ચિત ફેરફાર Level 2 ADAS (Advanced Driver Assistance Systems) છે. તેમાં લેન આસિસ્ટ, એડેપ્ટિવ ક્રુઝ કંટ્રોલ અને ઓટો ઈમરજન્સી બ્રેકિંગ જેવી અત્યાધુનિક સુવિધાઓ મળી શકે છે. આ સિવાય 6 એરબેગ્સ, 360° કેમેરા, ESC અને હિલ હોલ્ડ આસિસ્ટ જેવા સેફ્ટી ફીચર્સ તેને પોતાના સેગમેન્ટમાં વધુ મજબૂત બનાવશે.
એન્જિન અને પરફોર્મન્સ
નવી Brezza માં એન્જિનમાં કોઈ ફેરફાર થવાની શક્યતા ઓછી છે. તેમાં 1.5-liter K15C પેટ્રોલ એન્જિન જ મળશે જે 103 bhp નો પાવર અને 137 Nm નો ટોર્ક જનરેટ કરે છે. ગ્રાહકોને 5-speed મેન્યુઅલ અને 6-speed ઓટોમેટિક ગિયરબોક્સના વિકલ્પ મળશે. આ સાથે જ CNG વેરિઅન્ટ પણ ઉપલબ્ધ રહેશે જે માત્ર મેન્યુઅલ ટ્રાન્સમિશન સાથે આવશે.
અંદાજિત કિંમત
નવી Maruti Brezza Facelift ની શરૂઆતી કિંમત અંદાજે 8 લાખ રૂપિયા (એક્સ-શોરૂમ) થી શરૂ થઈ શકે છે. નવા ફીચર્સ અને એડવાન્સ સેફ્ટી ટેકનોલોજીને કારણે કિંમતમાં વર્તમાન મોડલ કરતા થોડો વધારો જોવા મળી શકે છે તેમ છતાં તે માર્કેટમાં Value for Money SUV સાબિત થશે.
