મારુતિ સુઝુકી પોતાની લોકપ્રિય કોમ્પેક્ટ SUV Brezzaને વર્ષ 2026માં મોટા ફેરફારો સાથે લોન્ચ કરવાની તૈયારી કરી રહી છે. માનવામાં આવી રહ્યું છે કે આ અપડેટેડ મોડલ 2026ના અંતમાં તહેવારોના સમયગાળા દરમિયાન બજારમાં ઉતારવામાં આવશે. આ વખતે કંપની માત્ર ઉપરછલ્લા ફેરફારો કરવાને બદલે એન્જિન અને ગિયરબોક્સ જેવા મિકેનિકલ ભાગોમાં પણ મહત્વના સુધારા કરશે. નવી Brezzaનો મુખ્ય ઉદ્દેશ્ય ગ્રાહકોને શ્રેષ્ઠ પર્ફોર્મન્સ, વધુ માઈલેજ અને મોર્ડન ડ્રાઈવિંગ અનુભવ આપવાનો રહેશે.
શક્તિશાળી ટર્બો પેટ્રોલ એન્જિનનો ઉમેરો
2026 Brezzaમાં સૌથી મોટું પરિવર્તન તેના એન્જિનમાં જોવા મળશે. અહેવાલો મુજબ, તેમાં 1.0 લિટરનું ટર્બો પેટ્રોલ એન્જિન આપવામાં આવી શકે છે, જે હાલમાં Maruti Fronxમાં જોવા મળે છે. આ એન્જિન 1200cc કરતા ઓછી ક્ષમતા ધરાવતું હોવાથી ટેક્સમાં પણ ફાયદો થશે. હાલમાં મળતા 1.5 લિટરના નેચરલી એસ્પિરેટેડ એન્જિન કરતા આ નવું ટર્બો એન્જિન વધુ પાવર અને સારી ડ્રાઈવિંગ ક્ષમતા પ્રદાન કરશે. આ એન્જિનની સાથે 6-સ્પીડ મેન્યુઅલ ગિયરબોક્સ મળવાની પ્રબળ શક્યતા છે, જે હાઈવે પર ડ્રાઈવિંગને વધુ સરળ બનાવશે. સીએનજી વેરિઅન્ટ માટે હાલનું 1.5 લિટર એન્જિન ચાલુ રાખવામાં આવી શકે છે.
આકર્ષક ડિઝાઇન અને પ્રીમિયમ ઇન્ટિરિયર
નવી Brezzaના બાહ્ય દેખાવમાં પણ ફ્રેશ લુક આપવા માટે કેટલાક બદલાવ કરવામાં આવશે. જેમાં નવા બમ્પર, અપડેટેડ હેડલેમ્પ ડિઝાઇન અને નવા સ્ટાઇલિશ એલોય વ્હીલ્સનો સમાવેશ થઈ શકે છે. આ ફેરફારો SUVને પહેલા કરતા વધુ આધુનિક અને મજબૂત લુક આપશે.
ઇન્ટિરિયરની વાત કરીએ તો, કેબિનમાં હાલના મોડલ કરતા મોટી ટચસ્ક્રીન ઇન્ફોટેનમેન્ટ સિસ્ટમ આપવામાં આવી શકે છે. આ ઉપરાંત ડેશબોર્ડની ડિઝાઇનમાં સુધારો અને નવા પ્રીમિયમ મટીરિયલનો ઉપયોગ કરીને અંદરનો અનુભવ વધુ લક્ઝરી બનાવવામાં આવશે. નવા ફીચર્સ ઉમેરાવાને કારણે યુઝર્સને વધુ સુવિધાજનક પ્રવાસની મજા મળશે.
કિંમત અને લોન્ચિંગ અંગેની વિગતો
નવી 2026 Maruti Brezza આગામી વર્ષે દિવાળી કે અન્ય તહેવારોના સમયે રસ્તાઓ પર દોડતી જોવા મળી શકે છે. ટર્બો એન્જિન અને નવા ફીચર્સને કારણે કિંમતમાં થોડો વધારો થવાની શક્યતા છે, પરંતુ એન્જિન નાનું હોવાથી ટેક્સમાં મળનારો લાભ ગ્રાહકોને પોસાય તેવી કિંમતે આ SUV ખરીદવાની તક આપશે. મારુતિ સુઝુકી આ મોડલ દ્વારા કોમ્પેક્ટ SUV માર્કેટમાં પોતાની પકડ વધુ મજબૂત કરવાના પ્રયાસમાં છે.
