શનિવાર (15 ફેબ્રુઆરી, 2025) ના રોજ નવી દિલ્લી રેલવે સ્ટેશન પર મોટી દુર્ઘટના સર્જાઈ અને રેલવે તંત્ર સામે અનેક સવાલો ઉઠ્યા. પ્લેટફોર્મ 14 અને 15 પર ભાગદોડમાં ત્રણ બાળકો સહિત ઓછામાં ઓછા 18 લોકોના મોત થયા હતા. રેલવે મંત્રી અશ્વિની વૈષ્ણવે આ ઘટનાની ઉચ્ચ સ્તરીય તપાસના આદેશ આપ્યા છે. રેલવેએ હવે આવી ઘટનાઓને રોકવા માટે પગલાં પણ લીધાં છે.
ઉત્તર રેલવેએ આવી પરિસ્થિતિ ઊભી ન થાય તે માટે મોટા નિર્ણયો લીધા છે ". "પ્રયાગરાજ જતી તમામ ટ્રેનો હવે રેલવે પ્લેટફોર્મ નં. 16 થી જશે". પ્રયાગરાજ જવા માટે ટ્રેનમાં જનારા તમામ મુસાફરો હવે અજમેરી ગેટ બાજુથી નવી દિલ્લી રેલવે સ્ટેશનમાં પ્રવેશ કરશે. આ ઉપરાંત જે ટ્રેનો નિયમિત રીતે આવે છે તે તમામ પ્લેટફોર્મ પરથી જતી રહેશે.
RPF અને GRPના જવાનોને તૈનાત કરવામાં આવ્યા.
રેલવે મંત્રાલયે ભીડને રોકવા અને ભાગદોડ જેવી સ્થિતિ ટાળવા માટે આ પગલાં લીધાં છે. રેલવે મંત્રાલયના જણાવ્યા અનુસાર, ભીડને નિયંત્રિત કરવા માટે નવી દિલ્હી રેલવે સ્ટેશન પર RPF અને GRPની ટીમોની સંખ્યા વધારી છે. સુરક્ષા દળો મુસાફરોને મદદ કરશે અને તેમને પ્લેટફોર્મમાં પ્રવેશવામાં પણ માર્ગદર્શન આપશે.
મહાકુંભ માટે વિશેષ ટ્રેન
રેલવે મંત્રાલયના જણાવ્યા અનુસાર, ઉત્તર રેલવેએ પ્રયાગરાજ તરફ જતા વધારાના ભીડને દૂર કરવા માટે સાંજે 7 વાગ્યા સુધી ત્રણ વિશેષ ટ્રેનો ચલાવી હતી. આમાં પ્રયાગરાજ થઈને દરભંગા માટે એક વિશેષ ટ્રેન અને પ્રયાગરાજ તરફ વધુ 2 વિશેષ ટ્રેન સામેલ છે. પ્રયાગરાજ તરફ જતી નિયમિત ટ્રેનો ઉપરાંત બીજી વિશેષ ટ્રેન રાત્રે 9 વાગ્યે રવાના થશે. 17 ફેબ્રુઆરી, 2025ના રોજ મહાકુંભ જનારા ભક્તો માટે 5 વિશેષ ટ્રેનો દોડાવવામાં આવશે
