Mohammed Shami: ભારતના અગ્રણી ફાસ્ટ બોલર મોહમ્મદ શમીએ ઇન્ટરનેશનલ ક્રિકેટ કાઉન્સિલ (ICC)ને રિવર્સ સ્વિંગને ફરીથી અસરકારક બનાવવા માટે બોલ પર લાળના ઉપયોગ કરવાની મંજૂરી આપવાની અપીલ કરી છે.
શમીનું માનવું છે કે રિવર્સ સ્વિંગ રમતમાં રોમાંચ ઉમેરે છે અને બોલરો માટે એક મહત્વપૂર્ણ હથિયાર છે. COVID-19 મહામારીના કારણે ICC દ્વારા લાળના ઉપયોગ પર પ્રતિબંધ મૂકવામાં આવ્યો હતો, જેના કારણે ઝડપી બોલરો માટે રિવર્સ સ્વિંગ પ્રાપ્ત કરવાનું મુશ્કેલ બન્યું છે.
શમીએ કહ્યું કે, બોલરો સતત આઈસીસીને લાળના ઉપયોગની મંજૂરી આપવા માટે અપીલ કરી રહ્યા છે, જેથી રિવર્સ સ્વિંગ પરત લાવી શકાય. "અમે રિવર્સ સ્વિંગ કરવાનો પ્રયાસ કરી રહ્યા છીએ, પરંતુ તે મુશ્કેલ બની ગયું છે કારણ કે લાળના ઉપયોગની મંજૂરી નથી, તેમણે કહ્યું અમે લાળના ઉપયોગને મંજૂરી આપવા માટે સતત અપીલ કરીએ છીએ અને રિવર્સ સ્વિંગ સાથે રમત વધુ રોમાંચક બની જશે.”
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
