Mitchell Starc, the King of Pink Ball Test: ઑસ્ટ્રેલિયા અને ઇંગ્લેન્ડ વચ્ચેની રોમાંચક એશિઝ સિરીઝનો ઉત્સાહ ખૂબ વધુ છે. સિરીઝની બીજી અને સૌથી રોમાંચક મેચ 4 ડિસેમ્બરના રોજ ધ ગાબા ખાતે રમાવાની છે. જે એક ડે-નાઇટ એટલે કે, પિંક બોલ ટેસ્ટ મેચ છે. પિંક બોલ ટેસ્ટનો ઉલ્લેખ થતાં જ ઑસ્ટ્રેલિયન ફાસ્ટ બોલર Mitchell Starc નું નામ સૌથી ટોપ પર આવે છે. આ લેફ્ટ-આર્મ ફાસ્ટ બોલર પિંક બોલ ક્રિકેટમાં માત્ર એક બોલર નથી, પરંતુ એક જાદુગર છે. તેના પ્રભાવશાળી આંકડા તેને પિંક બોલનો 'કિંગ' સાબિત કરે છે.
પિંક બોલ ક્રિકેટ પર Mitchell Starc નું પ્રભુત્વ
Mitchell Starc પાસે પિંક બોલ ટેસ્ટમાં એવા રેકોર્ડ્સ છે, જે બીજા કોઈ પણ બોલર માટે તોડવા લગભગ અશક્ય છે. Mitchell Starc પિંક બોલ ટેસ્ટ મેચના ઇતિહાસમાં વિશ્વનો સૌથી વધુ વિકેટ લેનાર બોલર છે. તેની બોલિંગ એવરેજ 17.08 ની છે. આ દર્શાવે છે કે, તે દરેક 17-18 રન આપીને એક બેટ્સમેનને આઉટ કરે છે. તેનો સ્ટ્રાઇક રેટ 33.3 ની આસપાસ છે. એટલે કે, દર 5-6 ઓવરમાં તે એક વિકેટ લે છે. અને વિરોધી ટીમની ભાગીદારી તોડવા માટે આ આંકડા ખૂબ જ નિર્ણાયક સાબિત થાય છે. Mitchell Starc એ પિંક બોલ ટેસ્ટમાં અત્યાર સુધીમાં 5 વખત ફાઇવ-વિકેટ હોલ લેનાર વિશ્વનો એકમાત્ર બોલર છે.
ગાબામાં પિંક બોલ અને Mitchell Starc નું કોમ્બિનેશન
પિંક બોલ તેની સીમ અને સ્વિંગ માટે જાણીતો છે, ખાસ કરીને સાંજના સમયે, જ્યારે પરિસ્થિતિઓ બદલાય છે. Mitchell Starc ની સ્પીડ, તેની આઉટ-સ્વિંગ અને ઇન-સ્વિંગ બોલિંગની ક્ષમતા આ પરિસ્થિતિઓમાં ખૂબ જ ખતરનાક સાબિત થઈ શકે છે.
ગાબાની પીચથી Mitchell Starc ને મદદ મળશે?
એશિઝની આ બીજી મેચ ઓસ્ટ્રેલિયાના સૌથી પ્રતિષ્ઠિત મેદાન ધ ગાબા ખાતે રમાશે. ગાબાની બાઉન્સી પિચ અને પિંક બોલનું કોમ્બિનેશન Mitchell Starc માટે એક ખાસ સાબિત થઈ શકે છે. ગાબાની ઝડપી અને બાઉન્સવાળી પીચ Mitchell Starc ના બોલને વધારાની સ્પીડ અને બાઉન્સ આપશે.
ઑસ્ટ્રેલિયા માટેનો સૌથી મોટો ગેમ ચેન્જર ખેલાડી
Mitchell Starc પિંક બોલ ટેસ્ટમાં જે ફોર્મ અને રેકોર્ડ ધરાવે છે, તે જોતાં આ વખતે પણ તે ગાબાના મેદાન પર ઓસ્ટ્રેલિયા માટે સૌથી મોટો 'ગેમ ચેન્જર' સાબિત થઈ શકે છે. 4 ડિસેમ્બરના રોજ ધ ગાબામાં Day-Night ટેસ્ટમાં Mitchell Starc શું જાદુ કરશે અને તેના વિકેટના રેકોર્ડમાં કેટલો વધારો કરશે, તે જોવાનું ખરેખર રોમાંચક બની રહેશે.
