મોંઘી થઈ ગઈ સૌથી સસ્તી 4 સીટર EV કાર : COMET EV ખરીદવા કેટલા રૂપિયા ચુકવવા પડશે?

MG MOTORSએ 2025માં કોમેટ લાઇન-અપને અપડેટ કરી છે. માત્ર કોમેટ ઇવીનું એન્ટ્રી-લેવલ વેરિઅન્ટ, એક્ઝિક્યુટિવ, યથાવત રહે છે. MG MOTORSએ કોમેટ ઇવીની કિંમતમાં 27 હજાર રૂપિયા સુધીનો વધારો કર્યો છે, જે વેરિએન્ટ્સ માટે અલગ અલગ હોઈ શકે છે. આ કારના એક્સક્લુઝિવ ફાસ્ટ ચાર્જિંગ વેરિએન્ટની કિંમતમાં 27 હજાર રૂપિયાનો વધારો કરવામાં આવ્યો છે. તે જ સમયે, તાજેતરમાં લોન્ચ થયેલ બ્લેકસ્ટ્રોમ એડિશનની કિંમતમાં વધારો કરવામાં આવ્યો નથી.

નવી કોમેટમાં ફેરફાર

MG Comet EV 2025 ઘણા નવા ફીચર્સ સાથે આવે છે. આ કારના મિડ-વેરિઅન્ટ, Excite તેના ટોપ વેરિઅન્ટ એક્સક્લુઝિવમાં ઉપલબ્ધ સુવિધાઓનો સમાવેશ કર્યો છે. કોમેટ ઇવીના મિડ-વેરિઅન્ટમાં રિયર પાર્કિંગ કેમેરા અને ઇલેક્ટ્રિકલી ફોલ્ડિંગ આઉટસાઇડ રીઅરવ્યૂ મિરર આપવામાં આવ્યું છે. કારના એક્સક્લુઝિવ વેરિઅન્ટ પર ફેબ્રિક સીટ અપહોલ્સ્ટ્રીને પ્રીમિયમ લેધર સીટ્સ સાથે બદલવામાં આવી છે. તે જ સમયે, આ ટોપ વેરિઅન્ટ હવે 2-સ્પીકર સાઉન્ડ સિસ્ટમને બદલે 4-સ્પીકર સેટઅપથી સજ્જ હશે.

કોમેટ ઈવીની સિરીઝ

MG MOTORSએ કારમાં કોઈ મિકેનિકલ ફેરફાર કર્યો નથી. તેની મોટરથી 42 BHP પાવર અને 110 એનએમ ટોર્ક જનરેટ કરે છે. આ ઇલેક્ટ્રિક કારમાં 17.3 kWh લિથિયમ-આયન બેટરી આપવામાં આવી છે. આ બેટરી સાથે કંપનીનો દાવો છે કે આ કાર સિંગલ ચાર્જમાં 230 કિમીનું અંતર કાપી શકે છે.

એમજી મોટર ઇન્ડિયાએ કારના મિડ-અને ટોપ-સ્પેક વેરિઅન્ટ્સ માટે 7.4 કેડબલ્યુ એસી ચાર્જર પણ રજૂ કર્યું છે. આ ચાર્જરની મદદથી વાહનને 0થી 100 ટકા સુધી ચાર્જ કરવામાં 3.5 કલાકનો સમય લાગશે. અગાઉ કંપની આ કાર માટે 3.3 kW AC ચાર્જર આપતી હતી, જેના કારણે આ EVનો ચાર્જિંગ ટાઈમ લગભગ બમણો થતો હતો.