મારુતિ સુઝુકી 3 સપ્ટેમ્બર 2025ના રોજ ભારતીય ઓટોમોબાઇલ માર્કેટમાં એક નવી મધ્યમ કદની SUV લોન્ચ કરવા જઈ રહી છે. હજુ આ SUVનું સત્તાવાર નામ જાહેર કરવામાં આવ્યું નથી, જોકે ઘણા મીડિયા રિપોર્ટ્સ અનુસાર, આ મોડલ હાલ ‘મારુતિ એસ્કુડો’ નામે ઓળખાઈ રહી છે. કંપનીએ ઈશારો આપ્યો છે કે વાહન સંપૂર્ણપણે નવા નામથી રજૂ થશે.
અંડરબોડી CNG ટેકનોલોજીનો પહેલો ઉપયોગ
મારુતિ સુઝુકી આ SUVમાં અંડરબોડી CNG ટાંકી પ્લેસમેન્ટ આપશે, જે આજે સુધીની મારુતિની સૌથી મોટી CNG ટેકનોલોજી અપડેટ માનવામાં આવી રહી છે. અત્યાર સુધી બૂટમાં CNG ટાંકી મૂકવાની પદ્ધતિ હતી, પરંતુ આ નવી ટેકનોલોજી વાહનના સ્પેસ અને સલામતી બંને માટે ફાયદાકારક સાબિત થશે. CNG કિટ ફેક્ટરીથી જ ફિટ મળશે, અને એન્જિન, ગિયરબોક્સ, બ્રેક્સ અને સસ્પેન્શન પર સંપૂર્ણ રીતે ટ્યુન થશે.
સલામતી અને ટેક્નોલોજી સુવિધાઓ
નવી SUVમાં લેવલ-2 ADAS (Advanced Driver Assistance System), ડોલ્બી એટમોસ ઓડિયો સિસ્ટમ, પાવર્ડ ટેલગેટ, અને ઓલ-વ્હીલ ડ્રાઇવ (AWD) જેવી અદ્યતન સુવિધાઓ આપવામાં આવશે, જે મારુતિ બ્રાન્ડ માટે નવો પડકાર બની રહેશે.
એન્જિન વિકલ્પો
હાલ એન્જિન વિગતો જાહેર કરવામાં આવી નથી, પરંતુ અનુમાન છે કે તેમાં ગ્રાન્ડ વિટારાની જેમ:
103 bhp પાવર આપતું 1.5-લિટર K15C પેટ્રોલ માઇલ્ડ હાઇબ્રિડ એન્જિન
115 bhp પાવર આપે તેવું 1.5-લિટર 3-સિલિન્ડર એટકિન્સન સાઈકલ પેટ્રોલ હાઇબ્રિડ એન્જિન
મેન્યુઅલ અને ઓટોમેટિક ટ્રાન્સમિશન બંને વિકલ્પ ઉપલબ્ધ રહેવાની સંભાવના છે.
કિંમત અને સ્પર્ધા
આ SUV મારુતિના લાઇનઅપમાં બ્રેઝા અને ગ્રાન્ડ વિટારા વચ્ચે સ્થિત રહેશે. તેથી તેની કીંમત અંદાજે ₹10 લાખથી ₹15 લાખની વચ્ચે રહેવાની અપેક્ષા છે.
માર્કેટમાં સ્પર્ધા:
હ્યુન્ડાઇ ક્રેટા
ટોયોટા હાઇરાઇડર
કિયા સેલ્ટોસ
ફોક્સવેગન તાઇગુન
સ્કોડા કુશાક
હોન્ડા એલિવેટ
