ઇજિપ્તમાં મોટી દુર્ઘટના! : દરિયામાં ડૂબી 44 લોકો સાથે સબમરીન, 6ના મોતની આશંકા

ઇજિપ્તના લાલ સમુદ્રમાં હુરઘાડા શહેરના કિનારે એક પ્રવાસી સબમરીન ડૂબી ગઈ હતી. આ ભયાનક ઘટનામાં ઓછામાં ઓછા 6 લોકોના મોત અને 9 લોકો ઘાયલ થવાની આશંકા છે. એક અહેવાલ મુજબ, આ ઘટના પછી લગભગ 29 લોકોને બચાવી લેવામાં આવ્યા છે અને ચાર ગંભીર રીતે ઘાયલ છે અને અન્ય તમામ ઘાયલોને સારવાર માટે હોસ્પિટલમાં દાખલ કરવામાં આવ્યા છે. ઇજિપ્તના હુરખાડા શહેરના દરિયાકિનારે ડૂબી ગયેલી આ પ્રવાસી સબમરીનનું નામ સિંદબાદ હતું. આ સબમરીનમાં લગભગ 44 મુસાફરો સવાર હતા, જે ગુરુવારે (27 માર્ચ) સવારે દરિયા કિનારે બંદર નજીક ડૂબી ગઈ હતી.

ઇજાગ્રસ્ત સ્થળ પર 21 એમ્બ્યુલન્સ મોકલવામાં આવી હતી
રિપોર્ટ અનુસાર, ઘટનાની ગંભીરતાને ધ્યાનમાં લઈને ઘાયલોને હોસ્પિટલ લઈ જવા માટે 21 એમ્બ્યુલન્સને ઘટનાસ્થળે મોકલવામાં આવી હતી. સિંદબાદ સબમરીનમાં કુલ 44 મુસાફરો હતા જે વિવિધ દેશોના નાગરિકો સવાર હતા. જેઓ ઇજિપ્તના લાલ સમુદ્રના ઊંડાણમાં પરવાળાના ખડકો અને ઉષ્ણકટિબંધીય માછલીઓનું અન્વેષણ કરવા ગયા હતા. આ ટૂરિસ્ટ સબમરીન દરિયામાં 72 ફૂટની ઊંડાઈ સુધી જઈ શકે છે. પરંતુ કોઈ અગમ્ય કારણોસર તે ડૂબી ગઈ. જો કે, આ સબમરીન ડૂબી જવાના કારણની હજુ તપાસ ચાલી રહી છે.

સિંદબાદ વર્ષોથી પ્રવાસીઓને પાણીની અંદર પ્રવાસ પર લઈ જતું હતું
સિંદબાદ નામની આ પ્રવાસી સબમરીન ઘણા વર્ષોથી પ્રવાસીઓને પાણીની અંદરની દુનિયાની સફર પર લઈ જાય છે. તે પ્રવાસીઓને લાલ સમુદ્રમાં 25 મીટર (82 ફૂટ) ઊંડે લઈ ગઈ. જ્યાં મુલાકાતીઓ 500-મીટર કોરલ રીફ અને પાણીની અંદરની દુનિયા જોઈ શકે છે. વધુમાં મળતી માહિતી અનુસાર, આ સબમરીન વિશ્વની 14 વાસ્તવિક મનોરંજન સબમરીનમાંથી એક છે, જેને ફિનલેન્ડમાં ડિઝાઇન કરવામાં આવી હતી. આ સબમરીન 44 મુસાફરો અને બે ક્રૂ મેમ્બર્સને દરિયાની નીચે લઈ જવાની ક્ષમતા ધરાવે છે.