Thar Roxxના સૌથી સસ્તા મોડેલની શું છે કિંમત : કેટલી આવશે EMI?

Mahindra Thar Roxx ભારતની સૌથી લોકપ્રિય કારમાંની એક છે. થારનું આ 5-ડોરવાળુ મોડેલ ઓગસ્ટ, 2024 માં બજારમાં લોન્ચ કરવામાં આવ્યું હતું. ત્યારથી, આ કાર લોકોની મનપસંદ બની ગઈ છે. મહિન્દ્રા થાર રોક્સની એક્સ-શોરૂમ કિંમત 12.99 લાખ રૂપિયાથી શરૂ થાય છે અને 23.09 લાખ રૂપિયા સુધી જાય છે. તમે આ કારને EMI પર પણ ખરીદી શકો છો.

થાર રોક્સ માટે EMI પ્રોસેસ

મહિન્દ્રા થાર રોક્સ MX1 RWDએ દેશમાં સસ્તું પેટ્રોલ વેરિઅન્ટ છે. આ કારની કિંમત 15.20 લાખ રૂપિયા છે. આ કાર ખરીદવા માટે તમારે 13.68 લાખ રૂપિયાની લોન લેવી પડશે. લોનની રકમ તમારા ક્રેડિટ સ્કોર પર આધારિત છે. જો તમારો ક્રેડિટ સ્કોર સારો છે, તો તમને વધુ લોનની રકમ મળી શકે છે. બેંક આ લોન પર વ્યાજ વસૂલ કરે છે, જે મુજબ દર મહિને EMI તરીકે એક નક્કી રકમ બેંકમાં જમા કરાવવી પડશે.

મહિન્દ્રા થાર રોક્સના આ વેરિઅન્ટને ખરીદવા માટે તમારે ડાઉન પેમેન્ટ તરીકે 1.52 લાખ રૂપિયા જમા કરાવવા પડશે.

જો તમે આ કાર ખરીદવા માટે ચાર વર્ષ માટેની લોન લો છો અને બેંક આ લોન પર 9 ટકા વ્યાજ લે છે, તો દર મહિને તમારે લગભગ 34 હજાર રૂપિયાનો હપ્તો બેંકમાં જમા કરાવવો પડશે.

જો મહિન્દ્રા થાર રોક્સ ખરીદવા માટે પાંચ વર્ષ માટે લોન લેવામાં આવે, તો 9 ટકાના વ્યાજ પર દર મહિને 28,400 રૂપિયાનો હપ્તો કપાશે.

થાર રોક્સના આ વેરિઅન્ટને ખરીદવા માટે છ વર્ષ માટે લોન લેવા માટે 24,700 રૂપિયા EMI તરીકે બેંકમાં જમા કરાવવી પડશે.

જો તમે સાત વર્ષ માટે લોન લો છો, તો તમારે 9 ટકાના વ્યાજ પર દર મહિને લગભગ 22 હજાર રૂપિયાનો હપ્તો ચૂકવવો પડશે.