Gas Cylinder Price Today: મિડલ ઈસ્ટમાં વધતા તણાવ અને હોર્મુઝ સ્ટ્રેટને લઈને ઊભી થયેલી વૈશ્વિક ચિંતાઓ વચ્ચે ભારતમાં LPG ગ્રાહકો માટે એક સાથે બે સારા સમાચાર આવ્યા છે. એક તરફ ભારત માટે હજારો ટન LPG લઈને આવતું જહાજ સુરક્ષિત રીતે હોર્મુઝ સ્ટ્રેટ પાર કરી ચૂક્યું છે, જ્યારે બીજી તરફ ગેસ સિલિન્ડરના ભાવમાં હાલ કોઈ વધારો કરવામાં આવ્યો નથી. આવી સ્થિતિમાં સામાન્ય ગ્રાહકો માટે આ બંને સમાચાર મોટી રાહત સમાન માનવામાં આવી રહ્યા છે.
હોર્મુઝ સ્ટ્રેટમાંથી સુરક્ષિત પસાર થયું LPG ટેન્કર
મિડલ ઈસ્ટમાં ઈરાન અને ઈઝરાયેલ વચ્ચે વધતા તણાવને કારણે હોર્મુઝ સ્ટ્રેટ ફરી એક વખત વૈશ્વિક ચર્ચાનો કેન્દ્ર બન્યું છે. વિશ્વના સૌથી મહત્વપૂર્ણ એનર્જી રૂટમાં ગણાતું આ સમુદ્રી માર્ગ ક્રૂડ ઓઈલ અને LPG સપ્લાય માટે અત્યંત મહત્વપૂર્ણ છે. આવી પરિસ્થિતિમાં ભારત માટે LPG લઈને આવતું ટેન્કર ‘એમવી સનશાઈન’ સફળતાપૂર્વક હોર્મુઝ સ્ટ્રેટ પાર કરી ગયું છે.
મીડિયા રિપોર્ટ મુજબ આ જહાજમાં આશરે 48,456 ટન LPG છે અને તે 18 મે સુધી ભારતમાં પહોંચે તેવી શક્યતા છે. આ સમાચારને મહત્વપૂર્ણ એટલા માટે પણ માનવામાં આવે છે કારણ કે તાજેતરના તણાવ વચ્ચે અનેક એનર્જી જહાજોને સુરક્ષા જોખમનો સામનો કરવો પડી રહ્યો છે.
સૂત્રોના જણાવ્યા મુજબ એમવી સનશાઈનને ખાસ સુરક્ષા વ્યવસ્થા હેઠળ પસાર કરવામાં આવ્યું હતું. ભારત માટે આ જહાજનું સુરક્ષિત રીતે આગળ વધવું એ મોટી સફળતા ગણાઈ રહી છે કારણ કે દેશ પોતાની LPG જરૂરિયાતનો મોટો હિસ્સો આયાત દ્વારા પૂરો કરે છે.
ગેસ સિલિન્ડરના ભાવમાં હાલ કોઈ વધારો નહીં
બીજા મોટા સારા સમાચાર LPG સિલિન્ડરના ભાવને લઈને આવ્યા છે. છેલ્લા કેટલાક દિવસોથી એવી ચર્ચા ચાલી રહી હતી કે આંતરરાષ્ટ્રીય બજારમાં વધતી અનિશ્ચિતતાને કારણે ઘરેલુ ગેસ સિલિન્ડરના ભાવમાં વધારો થઈ શકે છે. જોકે હાલ ઓઈલ માર્કેટિંગ કંપનીઓએ કોઈપણ પ્રકારનો ભાવ વધારો જાહેર કર્યો નથી.
આ નિર્ણયથી કરોડો ઘરેલુ ગ્રાહકોને રાહત મળી છે. ખાસ કરીને મધ્યમવર્ગીય પરિવારો માટે LPG ખર્ચ ઘરના માસિક બજેટમાં મહત્વનો ભાગ હોય છે. જો ભાવમાં વધારો થયો હોત તો સીધી અસર ઘરખર્ચ પર પડી શકતી હતી.
હાલ 14.2 કિલોના ઘરેલુ LPG સિલિન્ડરના ભાવ યથાવત રાખવામાં આવ્યા છે. જ્યારે 19 કિલોના કોમર્શિયલ સિલિન્ડરના ભાવમાં પણ કોઈ ફેરફાર કરવામાં આવ્યો નથી.
ભારતે તૈયાર કરી ખાસ એનર્જી સ્ટ્રેટેજી
મિડલ ઈસ્ટમાં વધતી અસ્થીરતા વચ્ચે ભારત સરકારે એનર્જી સુરક્ષાને લઈને ખાસ વ્યૂહરચના તૈયાર કરી છે. સરકાર અને ઓઈલ કંપનીઓએ મળીને વૈકલ્પિક સપ્લાય રૂટ, સુરક્ષા વ્યવસ્થા અને રાજનૈતિક સ્તરે ચર્ચા દ્વારા LPG સપ્લાય ચેન સતત ચાલુ રહે તેની ખાતરી કરવાનો પ્રયાસ કર્યો છે.
હોર્મુઝ સ્ટ્રેટ વિશ્વના સૌથી વ્યસ્ત ઓઈલ અને ગેસ ટ્રાન્સપોર્ટ રૂટમાં સામેલ છે. વિશ્વના કુલ ઓઈલ વેપારનો મોટો હિસ્સો આ માર્ગ પરથી પસાર થાય છે. આવી સ્થિતિમાં જો અહીં કોઈ અવરોધ ઊભો થાય તો તેની સીધી અસર વૈશ્વિક ક્રૂડ અને ગેસના ભાવ પર પડી શકે છે.
ભારત માટે સારા સમાચાર એ પણ છે કે એમવી સનશાઈન આવું 15મું જહાજ છે જેને વધેલા જોખમ વચ્ચે સફળતાપૂર્વક સુરક્ષિત માર્ગ આપવામાં આવ્યો છે.
હાલ ગેસ સપ્લાયને લઈને કોઈ અછતનું જોખમ નહીં
અધિકારીઓનું કહેવું છે કે હાલમાં LPG સપ્લાય ચેન સંપૂર્ણ રીતે કાર્યરત છે અને દેશભરમાં ગેસની અછત સર્જાય તેવી કોઈ સ્થિતિ નથી.
ઓઈલ કંપનીઓએ સ્પષ્ટ કર્યું છે કે ઘરેલુ અને કોમર્શિયલ બંને સેગમેન્ટમાં પૂરતો સ્ટોક ઉપલબ્ધ છે. જો આંતરરાષ્ટ્રીય બજારમાં ક્રૂડ ઓઈલ અને LPGના ભાવ સ્થિર રહેશે તો આગામી સમયમાં ગ્રાહકોને વધુ રાહત પણ મળી શકે છે.
જોકે વૈશ્વિક પરિસ્થિતિ હજુ પણ સંપૂર્ણ રીતે સામાન્ય નથી. મિડલ ઈસ્ટમાં ચાલતા રાજકીય અને સૈન્ય તણાવને કારણે એનર્જી માર્કેટ પર સતત નજર રાખવામાં આવી રહી છે.
ગુજરાતના મુખ્ય શહેરોમાં હાલના LPG ભાવ
ગુજરાતના મોટા શહેરોમાં હાલ ઘરેલુ અને કોમર્શિયલ LPG સિલિન્ડરના ભાવ આ પ્રમાણે છે:
અમદાવાદ
ઘરેલુ LPG સિલિન્ડર (14.2 કિલો): ₹920
કોમર્શિયલ LPG સિલિન્ડર (19 કિલો): ₹3091
વડોદરા
ઘરેલુ ગેસ સિલિન્ડર: ₹919
કોમર્શિયલ ગેસ સિલિન્ડર: ₹3131
સુરત
ઘરેલુ LPG સિલિન્ડર: ₹918.50
કોમર્શિયલ સિલિન્ડર: ₹3024.50
રાજકોટ
ઘરેલુ LPG સિલિન્ડર: ₹918
કોમર્શિયલ ગેસ સિલિન્ડર: ₹3061
Gold Silver Price Today: ઇમ્પોર્ટ ડ્યુટી વધ્યા બાદ સોના-ચાંદીના ભાવમાં મોટો ભડાકો, જાણો આજનો લેટેસ્ટ દર
સામાન્ય લોકો માટે મહત્વ?
LPGના ભાવ અને સપ્લાય સીધી રીતે કરોડો ભારતીયોના રોજિંદા જીવન સાથે જોડાયેલા છે. ઘરેલુ રસોડાથી લઈને હોટલ, રેસ્ટોરન્ટ અને નાના વેપારીઓ સુધી LPG અત્યંત જરૂરી ઇંધણ છે.
જો આંતરરાષ્ટ્રીય સંકટને કારણે સપ્લાય અટકે અથવા ભાવમાં મોટો વધારો થાય તો તેની અસર મોંઘવારી પર પણ પડી શકે છે. તેથી હાલ સપ્લાય સુરક્ષિત હોવા અને ભાવ સ્થિર રહેવા એ સામાન્ય ગ્રાહકો માટે રાહતના સમાચાર માનવામાં આવી રહ્યા છે.
વિશ્વ બજારમાં અનિશ્ચિતતા વચ્ચે ભારતે એનર્જી મેનેજમેન્ટ અને સપ્લાય સુરક્ષા મામલે ઝડપી પગલાં લીધા હોવાનું પણ આ ઘટનાથી સ્પષ્ટ થાય છે.
