જાપાનના મિશિમામાં એક વ્યક્તિએ 14 લોકો પર છરી વડે હુમલો કર્યો, જેમાં તેઓ ઘાયલ થયા. આ ઘટના મિશિમાની એક ફેક્ટરીમાં બની હતી. અહેવાલ છે કે હુમલા બાદ આરોપીએ લિક્વિડ પણ છાંટી દીધું હતું.
ક્યોડો ન્યૂઝ એજન્સીના જણાવ્યા અનુસાર, આ ઘટના ટોક્યોના પશ્ચિમમાં મિશિમામાં એક રબર ફેક્ટરીમાં બની હતી, જ્યાં એક વ્યક્તિએ લોકો પર છરી વડે હુમલો કર્યો હતો. પોલીસે આ ઘટનાના સંદર્ભમાં એક વ્યક્તિને કસ્ટડીમાં લીધો છે. હાલમાં આ કેસની તપાસ ચાલી રહી છે.
AFP અનુસાર, શિઝુઓકા ક્ષેત્રના મિશિમા શહેરના ફાયર વિભાગના અધિકારી તોમોહારુ સુગિયામાએ જણાવ્યું હતું કે અત્યાર સુધીમાં 14 લોકોને સારવાર માટે નજીકની હોસ્પિટલમાં દાખલ કરવામાં આવ્યા છે.
