Kia લાવી રહી છે 7 સીટર ઇલેક્ટ્રિક કાર : જૂનમાં થશે લોન્ચ! જાણો કેટલી હશે કિંમત

હવે ભારતમાં ઇલેક્ટ્રિક વાહનોની માંગ ઝડપથી વધી રહી છે. લોકો દરેક બજેટ અને સેગમેન્ટમાં ઇવી ઇચ્છે છે. કાર કંપનીઓ ગ્રાહકોની જરૂરિયાતોને ધ્યાનમાં રાખીને કામ કરી રહી છે. સમાચાર આવી રહ્યા છે કે કિયા તેની ફેમિલી કાર કેરેન્સનું ઇલેક્ટ્રિક વર્ઝન પણ લોન્ચ કરવાની તૈયારી કરી રહી છે. જો કે, આ આગામી મોડલ વિશે ઘણી વખત માહિતી મળી છે. એવી અપેક્ષા રાખવામાં આવે છે કે નવું મોડલ વર્તમાન કેરેન્સનું EV વર્ઝન હશે. હાલ આ કારનું ટેસ્ટિંગ ચાલી રહ્યું છે.

બદલાશે ડિઝાઇન
નવી Kia Carens EV ટેસ્ટિંગ દરમિયાન ઘણી વખત જોવામાં આવી છે. પેટ્રોલ મોડલની સરખામણીમાં તેની ડિઝાઇનમાં કેટલાક ફેરફારો થશે. તેને હાલના પેટ્રોલ કેરેન્સથી અલગ ડિઝાઇન આપવા માટે તેમાં નવી ગ્રિલ, બોનેટ, બમ્પર અને વ્હીલ્સ મળી શકે છે. ઉપરાંત વાહનના જુદા જુદા ભાગો પર EV લોગો દેખાશે. આ વખતે પરિવારને ધ્યાનમાં રાખીને તેની ડિઝાઇન તૈયાર કરવામાં આવશે. તેમાં પણ સારી જગ્યા હશે.

500 કિ.મીની રેન્જ
નવી Carens EV ની બેટરી અને રેન્જ વિશે હજી સુધી કોઈ માહિતી પ્રાપ્ત થઈ નથી, પરંતુ સ્ત્રોત અનુસાર, તેમાં એક મોટું બેટરી પેક ઉપલબ્ધ હોઈ શકે છે. સિંગલ-સ્પેક Carens EV માં લેવલ 2 ADAS, એન્ટી-લૉક બ્રેકિંગ સીટ બેલ્ટ હોય તેવી અપેક્ષા છે. Kia આ વર્ષે ભારતમાં તેની નવી Carens EV લોન્ચ કરી શકે છે અને તેની સંભવિત કિંમત 1 લાખ રૂપિયાની આસપાસ હોઈ શકે છે.

નવી Carens મારુતિ સુઝુકી અર્ટિગા સાથે સીધી સ્પર્ધા કરશે. આ કારની કિંમત 8.84 લાખ રૂપિયાથી શરૂ થાય છે. આ 7 સીટર છે. આ સિવાય આ કાર મારુતિ સુઝુકી XL6 ને પણ ટક્કર આપશે. Carens EV સિવાય તેને પેટ્રોલ અને ડીઝલ એન્જિનમાં પણ લોન્ચ કરવામાં આવશે.