Kia Carens Clavis EV આજે ભારતમાં થશે લોન્ચ! : 490kmની મળશે રેન્જ, જાણો અન્ય દમદાર ફીચર્સ વિશે...

2025 Kia Carens Clavis EV: Kia આજે (15 જુલાઈ) ભારતીય કાર બજારમાં તેની નવી Carens Clavis EV લોન્ચ કરવા જઈ રહી છે. તેનું લાઈવ યુટ્યુબ પર સવારે 11.50 વાગ્યે કરવામાં આવ્યું. આ વાહન વિશે સતત સમાચાર આવી રહ્યા છે. આ 7 સીટર ઇલેક્ટ્રિક SUV છે, જે પરિવારને ધ્યાનમાં રાખીને ડિઝાઇન કરવામાં આવી છે. તે બે બેટરી પેક સાથે ઓફર કરવામાં આવશે. લોન્ચ થયા પછી Clavis EV ની ડિઝાઇનથી લઈને રેન્જ સુધીની માહિતી સામે આવી છે. ચાલો જાણીએ કે તેમાં શું ખાસ અને નવું જોઈ શકાય છે.

બેટરી અને રેન્જ
નવી Kia Carens Clavis EV બે બેટરી પેક સાથે ઓફર કરવામાં આવશે, જેમાં એક 42 kWh બેટરી પેક અને બીજી 51.4 kWh બેટરી પેકનો સમાવેશ થશે. આ બંને ઓછી અને વધુ રેન્જ અનુસાર છે અને તેની કિંમત પણ તે મુજબ નક્કી કરવામાં આવશે. એવું માનવામાં આવે છે કે નાનું બેટરી પેક લગભગ 400 કિ.મીની રેન્જ આપી શકે છે જ્યારે મોટું બેટરી પેક 490-500 કિમી સુધીની રેન્જ આપી શકે છે.

કેટલી હશે તેની કિંમત?
Kia એ Carens Clavis EV પહેલા જ તેનું પેટ્રોલ મોડેલ રજૂ કર્યું હતું. એવું માનવામાં આવે છે કે કંપની તેને 18 લાખ રૂપિયાની શરૂઆતની કિંમતે લોન્ચ કરી શકે છે. સલામતી માટે કારમાં 6 એરબેગ્સ, એન્ટિ-લોક બ્રેકિંગ સિસ્ટમ, EBD, ડિસ્ક બ્રેક્સ, 360 ડિગ્રી કેમેરા, લેવલ 2 ADAS 3 પોઈન્ટ સીટ બેલ્ટ જેવા ફીચર્સ મળી શકે છે.

નવી Kia Carens Clavis EV એવા ગ્રાહકોને લક્ષ્ય બનાવશે, જેઓ સસ્તી ફેમિલી કાર ખરીદવા માંગે છે. તે વિવિધ રંગોમાં લોન્ચ કરવામાં આવશે. તે દેશની સૌથી સસ્તી ઇલેક્ટ્રિક EV MPV સાબિત થઈ શકે છે. તેમાં સામાન્ય ચાર્જિંગની સાથે ઝડપી ચાર્જિંગનો વિકલ્પ પણ હશે.

MG આ મહિને બજારમાં તેની પ્રીમિયમ લક્ઝરી MPV M9 પણ લોન્ચ કરવા જઈ રહી છે. તે એક સુપર લક્ઝરી MPV હશે, જેની કિંમત 60 લાખ રૂપિયા સુધી હશે.