હાલ ઠંડીની સિઝન એટલે કે શિયાળો ચાલી રહ્યો છે. આ ઋતુમાં મોટાભાગે લોકો ગરમા-ગરમ ચા સાથે ગરમા-ગરમ ભજીયા ખાવાનું પસંદ કરતા હોય છે. કારણ કે, ચા સાથે ભજીયાની મજી જ કંઈક અલગ છે, પરંતુ કાનપુરની આ યુવતીએ ભજીયા તળવાની રીત જોઈને દરેકને હેરાન કરી દીધા છે! ઉકળતા તેલના તાવડામાં ખાલી હાથ નાખીને મરચાંના ભજીયા બહાર કાઢતી આ 'સમોસા ગર્લ'નો વીડિયો સોશિયલ મીડિયા પર આગની જેમ વાયરલ થઈ રહ્યો છે. ગ્રાહકો પણ તેને જોઈને આશ્ચર્યમાં પડી જાય છે,આ વીડિયો જોઈને તમે પણ વારંવાર પૂછશો: આ કઈ જાદુઈ કળા છે કે કોઈ ખાસ ટ્રિક?
કોણ છે આ 'કાનપુર સમોસા ગર્લ'?
આ યુવતીનું નામ શીખા છે, જે કાનપુરમાં નાની ભજીયા-સમોસાની દુકાન ચલાવે છે. ઇન્સ્ટાગ્રામ અને ફેસબુક પર તેના 1 લાખથી વધુ ફોલોવર્સ છે. શીખા દરરોજ દુકાને આવતા ગ્રાહકો સામે આ અનોખી કળા બતાવે છે, જેના વીડિયો તે પોતે જ શેર કરે છે.
વાયરલ વીડિયોમાં શું થઈ રહ્યું છે?
વીડિયોમાં જોઈ શકાય છે કે શીખા ઉકળતા તેલમાં મરચાંના ભજીયા તળી રહી છે. તે કોઈ ચમચી કે જાળીનો ઉપયોગ નથી કરતી, પરંતુ સીધા ખાલી હાથ નાખીને ગરમા-ગરમ ભજીયા બહાર કાઢે છે. તેલમાંથી ધુમાડો નીકળતો દેખાય છે અને ભજીયા પણ ખરેખર ગરમ હોય છે – એક ગ્રાહક તેને અડે છે ત્યારે તેનો હાથ બળી જાય તેવું લાગે છે!
લોકોની પ્રતિક્રિયા અને આશ્ચર્ય
આ વીડિયો જોઈને યુઝર્સ ચોંકી ગયા છે. કેટલાક તેને 'જાદુ' કહી રહ્યા છે, તો કેટલાક 'ખાસ તાલીમ' કે 'ચામડીની ખાસિયત' માની રહ્યા છે. ઘણા લોકો કોમેન્ટમાં પૂછી રહ્યા છે કે "આ કેવી રીતે શક્ય છે?" અને "હાથને કંઈ થતું નથી?" દુકાન પર આવતા ગ્રાહકો પણ આ કળા જોઈને હેરાન થઈ જાય છે.
આખરે શું છે આનું રહસ્ય?
શીખા આ કળા કેવી રીતે કરે છે, તેનું સ્પષ્ટ કારણ હજુ જાણી શકાયું નથી. કેટલાક માને છે કે તે વર્ષોથી આ કામ કરતી હોવાથી તેની ચામડી ગરમી સહન કરવા માટે મજબૂત થઈ ગઈ છે. તો કેટલાક કહે છે કે, તેમાં કોઈ ખાસ ટેકનિક કે તાલીમ છે. પરંતુ એક વાત તો નક્કી છે – આ વીડિયોએ શીખાની દુકાનને રાતોરાત ફેમસ બનાવી દીધી છે! આ અનોખી કળા જોઈને તમે પણ આશ્ચર્યમાં પડી જશો. વીડિયો જોયા પછી તમને શું લાગે છે – જાદુ છે કે તાલીમ?
