દિલ્હી-મુંબઈ ગ્રીનફિલ્ડ એક્સપ્રેસ-વે જે બે શહેરો વચ્ચેના મુસાફરીના સમયમાં નોંધપાત્ર ઘટાડો કરશે. તે ઝડપી અને અનુકૂળ મુસાફરી માટે ડિઝાઈન કરવામાં આવેલો છે. આ એક્સપ્રેસ વેની કુલ લંબાઈ લગભગ 1,386 કિમી હશે, જે દિલ્હીના સોહનાથી શરૂ થઈને રાજસ્થાન, મધ્યપ્રદેશ અને ગુજરાત થઈને મહારાષ્ટ્ર સુધી જશે. આ સિવાય આનાથી દિલ્હી અને વડોદરા વચ્ચેનું અંતર ઘટીને માત્ર 900 કિલોમીટર થઈ જશે. તેના ઉદઘાટનથી વેપાર અને આર્થિક પ્રવૃત્તિઓને વેગ મળવાની સંભાવના છે.
કેવો હશે એક્સપ્રેસ વેનો રૂટ ?
દિલ્હી અને મુંબઈ વચ્ચે બનેલા આ ગ્રીનફિલ્ડ એક્સપ્રેસ વેની કુલ લંબાઈ લગભગ 1,386 કિમી છે. આ એક્સપ્રેસ વે હરિયાણાના સોહનાથી શરૂ થશે, જે અન્ય ત્રણ રાજ્યોને જોડવામાં પણ મદદ કરશે. રાજસ્થાન, મધ્યપ્રદેશ અને ગુજરાતને તેનો સીધો લાભ મળશે. આ પછી જ તે મહારાષ્ટ્ર પહોંચશે. આ પ્રોજેક્ટ જયપુર, અજમેર, કિશનગઢ, કોટા, ઉદયપુર, ચિત્તોડગઢ, સવાઈ, માધોપુર, ભોપાલ, ઉજ્જૈન, ઈન્દોર અને સુરત થઈને હાથ ધરવામાં આવશે. મીડિયા રિપોર્ટ્સ અનુસાર આ એક્સપ્રેસ વેને 2025ના અંત સુધીમાં પૂર્ણ કરવાનું લક્ષ્ય છે.
કેટલું ઘટશે દિલ્હીથી વડોદરાનું અંતર
આ એક્સપ્રેસ વે સંપૂર્ણ રીતે ખુલ્લો મુકવાથી વડોદરા અને દિલ્હી વચ્ચેનું અંતર ઘણું ઘટી જશે. અહેવાલો અનુસાર, હાલમાં દિલ્હી અને વડોદરા વચ્ચેનું અંતર (ટ્રેન દ્વારા) લગભગ 1,100 કિમી છે, પરંતુ આ એક્સપ્રેસ વેના સંપૂર્ણ નિર્માણ પછી આ બંને શહેરો વચ્ચેનું અંતર ઘટીને લગભગ 900 કિમી થઈ જશે. તેની શરૂઆત પછી આ 14 કલાકનું અંતર માત્ર 9 કલાકમાં રોડ દ્વારા કવર કરી શકાય છે. આ ઉપરાંત, આનાથી વ્યાપાર તેમજ આર્થિક વૃદ્ધિને વેગ મળશે.
શું છે ગ્રીનફિલ્ડ એક્સપ્રેસવે?
ગ્રીનફિલ્ડ એક્સપ્રેસવે નામ જ સૂચવે છે કે તે કેટલાક હરિયાળા વિસ્તારોમાં બાંધવામાં આવ્યો છે. વાસ્તવમાં ગ્રીનફિલ્ડ એક્સપ્રેસવે લીલા ખેતરો અથવા ખેતરોની વચ્ચે બનાવવામાં આવ્યો છે, જેના માટે જમીન સંપાદનનું કામ પણ સરળ છે અને શહેરથી થોડે દૂર હોવાને કારણે અહીં ભીડ ઘણી ઓછી છે.
ગુજરાત સ્થાનિક સ્વરાજ્યની ચૂંટણીનો જંગ જામ્યો: AAPનો માસ્ટરસ્ટ્રોક, સાતમી યાદી સાથે પંચાયત અને નગરપાલિકાના ઉમેદવારો મેદાનમાં!
