ISRO PSLV C62 Mission Launch: ચીન અને પાકિસ્તાન ફરી એકવાર મુશ્કેલીમાં મુકાવાના છે. ભારતીય અવકાશ સંશોધન સંગઠન (ISRO) એક રોકેટ લોન્ચ કરવા જઈ રહ્યું છે જેની ચર્ચા વિશ્વભરમાં થશે. 12 જાન્યુઆરીએ સવારે 10:17 વાગ્યે, ભારતનું "દિવ્ય દ્રષ્ટિ" તરીકે ઓળખાતું PSLV-C62 રોકેટ શ્રીહરિકોટાના સતીશ ધવન સ્પેસ સેન્ટર (SDSC) થી લોન્ચ કરવામાં આવ્યું હતું. આ 2026 નું પ્રથમ રોકેટ લોન્ચ છે. આ સાથે, ભારત અવકાશમાં સેટેલાઇટ રિફ્યુઅલિંગ ટેકનોલોજી પ્રાપ્ત કરનાર વિશ્વનો બીજો દેશ બની ગયો છે. આ ટેકનોલોજી મેળવનાર કરનાર પ્રથમ દેશ ચીન હતો. યુરોપ અને યુનાઇટેડ સ્ટેટ્સ જેવા દેશો પણ હજુ સુધી આ સીમાચિહ્ન સુધી પહોંચી શક્યા નથી, પરંતુ ભારતે તે મેળવી લીધું છે. આજે, PSLV-C62 રોકેટ તેની 64મી ઉડાન ભરશે.
14 સેટેલાઈટ પણ થશે લોન્ચ
ભારતનું દિવ્ય દ્રષ્ટિ તરીકે ઓળખાતું PSLV-C62 રોકેટ થાઇલેન્ડ અને યુનાઇટેડ કિંગડમની સંયુક્ત ટેકનોલોજીનો ઉપયોગ કરીને બનાવવામાં આવ્યું છે. PSLV-C62 રોકેટ ઉપરાંત, ન્યૂસ્પેસ ઇન્ડિયા લિમિટેડ (NSIL) દ્વારા 14 સેટેલાઈટ લોન્ચ કરવામાં આવશે. સમગ્ર મિશનમાં 2 કલાકનો સમય લાગશે. આ મિશન સેટેલાઈટને સન-સિંક્રનસ ઓર્બિટ (SSO) માં તૈનાત કરશે. પૃથ્વી નિરીક્ષણ ઉપગ્રહ (EOS-N1) અન્વેષા આ મિશન માટે મહત્વપૂર્ણ છે, જેને લગભગ 600 કિલોમીટરની ઊંચાઈએ ધ્રુવીય સન-સિંક્રનસ ધ્રુવીય ઓર્બિટ (SSO) માં મૂકવામાં આવશે. આ ઉપરાંત બાકીના 14 સેટેલાઈટ મૂકવામાં આવશે. એક KID કેપ્સ્યુલને ફરીથી પ્રવેશ માર્ગમાં મોકલવામાં આવશે. આખું મિશન ISRO ની YouTube ચેનલ પર સવારે 9:48 વાગ્યે લાઇવ-સ્ટ્રીમ જોઈ શકાય છે.
લોન્ચિંગ પહેલાં તિરુપતિમાં પૂજા કરવામાં આવી
11 જાન્યુઆરીના રોજ બપોરે 12:18 વાગ્યે મિશન માટે કાઉન્ટડાઉન શરૂ થયું. પરંપરાને અનુસરીને, ISROના ચેરમેન વી. નારાયણને લોન્ચિંગ પહેલાં તિરુપતિ મંદિરમાં પ્રાર્થના કરી હતી. ગયા વર્ષે મે મહિનામાં PSLV મિશનની નિષ્ફળતા બાદ, ISRO આજના લોન્ચિંગને પુનરાગમન તરીકે જોઈ રહ્યું છે. બેંગલુરુ સ્થિત સ્ટાર્ટઅપ ઓર્બિટએઇડનું 25 કિલોગ્રામનું AULSAT આ મિશનમાં મુખ્ય ખેલાડી છે. આ સેટેલાઈટ PSLV-C62 ના લોન્ચિંગના 4 કલાકની અંદર અવકાશમાં તેનું પ્રથમ આંતરિક રિફ્યુઅલિંગ કરશે. ભવિષ્યમાં, તે વિવિધ સેપસક્રાફ્ટ વચ્ચે ફ્યુલ ટ્રાન્સફર કરવાની રીતો શોધશે.
અન્વેષા સેટેલાઇટ શા માટે ખાસ છે?
અન્વેષા એ એક સ્પાઈ સેટેલાઈટ છે જે એડવાંન્સ ઇમેજિંગ ક્ષમતાઓથી સજ્જ છે. તે પૃથ્વીથી સેંકડો કિલોમીટર ઉપરથી પણ દુશ્મનના લક્ષ્યોની ક્લિયર ઇમેજ કેપ્ચર કરી શકે છે. આ ભારતની સુરક્ષામાં એક મહત્વપૂર્ણ તત્વ સાબિત થશે. હાઇપરસ્પેક્ટ્રલ રિમોટ સેન્સિંગ (HRS) નો ઉપયોગ કરીને, અન્વેષા પ્રકાશના વિશાળ સ્પેક્ટ્રમને શોધી કાઢે છે. તે વસ્તુઓને તેમની તેજસ્વીતા દ્વારા ઓળખી શકે છે. અન્વેષા રંગની નાની વિગતો પણ શોધી શકે છે.
