Paul Stirling : UAE સામેની પહેલી T20 મેચમાં મેદાનમાં ઉતરતાની સાથે જ આયર્લેન્ડના કેપ્ટન પોલ સ્ટર્લિંગે ઇતિહાસ રચી દીધો. રોહિત શર્માનો વર્લ્ડ રેકોર્ડ તોડીને, તે હવે T20I ક્રિકેટમાં સૌથી વધુ મેચ રમનાર ખેલાડી બની ગયો છે. પોલ સ્ટર્લિંગની T20 કારકિર્દીની આ 160 મી મેચ હતી. 2024 T20 વર્લ્ડ કપ પછી 'ક્રિકેટના સૌથી ટૂંકા ફોર્મેટ' T20 ને અલવિદા કહેનારા રોહિત શર્માએ પોતાની કારકિર્દીમાં 159 મેચ રમી હતી. અત્યાર સુધી, T20I ક્રિકેટના ઇતિહાસમાં ફક્ત 3 ખેલાડીઓએ 150 થી વધુ મેચ રમી છે. ટોપ-3 માં બે નામ આયર્લેન્ડના છે. પોલ સ્ટર્લિંગ અને રોહિત શર્મા પછી 150 થી વધુ T20I મેચ રમનાર ત્રીજો ખેલાડી George Dockrell છે, જેમણે આયર્લેન્ડ માટે 153 મેચ રમી છે. અફઘાનિસ્તાનના મોહમ્મદ નબી અને ઇંગ્લેન્ડના જોસ બટલર ટોપ 5 માં સામેલ છે.
સૌથી વધુ T20I મેચ રમનારા ખેલાડીઓ:
પોલ સ્ટર્લિંગ - 160
રોહિત શર્મા - 159
જ્યોર્જ ડોકરેલ - 153
મોહમ્મદ નબી - 148
મેચમાં પોલ સ્ટર્લિંગનું પર્ફોમન્સ કેવું રહી હતું?
જોકે, આ ઐતિહાસિક મેચ પોલ સ્ટર્લિંગ માટે સારી રહી ન હતી. તે UAE સામે 3 બોલમાં ફક્ત 8 રન બનાવીને આઉટ થયા હતા, જેમાં તેમણે બે ચોગ્ગા ફટકાર્યા હતા. જોકે, આયર્લેન્ડ 57 રનના મોટા માર્જિનથી મેચ જીતવામાં સફળ રહ્યું. પ્રથમ બેટિંગ કરતા, આયર્લેન્ડે નિર્ધારિત 20 ઓવરમાં 6 વિકેટે 178 રન બનાવ્યા. આ ઇનિંગ્સ દરમિયાન કોઈ પણ આઇરિશ બેટ્સમેન ફિફ્ટી ફટકારી શક્યો નહીં. આ સ્કોરનો પીછો કરવા ઉતરેલી UAE ની ટીમ 19.5 ઓવરમાં 121 રનમાં ઓલઆઉટ થઈ ગઈ.
