પરમાણુ બોમ્બ કયો દેશ બનાવી રહ્યો છે? : તે કેવી રીતે જાણી શકાય અને તેના પર કોણ નજર રાખે?

પરમાણુ બોમ્બ દુનિયાનું એક એવું હથિયાર છે જે સમગ્ર માનવને નષ્ટ કરવાની ક્ષમતા ધરાવે છે. જો તમે જોવા માંગતા હોવ કે તે કેટલું ખતરનાક છે, તો તમે જાપાનના હિરોશિમા અને નાગાસાકી શહેરો વિશે વાંચી શકો છો અથવા ત્યાં થેયલી તબાઈ જોઈ પણ જોઈ શકો છો, જ્યાં તેની અસર હજુ પણ દેખાય છે. અમેરિકાએ 1945માં જાપાનના આ બે શહેરો પર પરમાણુ બોમ્બથી હુમલો કર્યો હતો, જ્યાં તેની અસર હજુ પણ દેખાય છે. આ જ કારણ છે કે ઇઝરાયલ ઇચ્છતું નથી કે ઇરાન પાસે પરમાણુ બોમ્બ હોય.
જો ઈરાન પરમાણુ બોમ્બની ક્ષમતા પ્રાપ્ત કરી લે તો?
એકવાર ઈરાન પરમાણુ બોમ્બની ક્ષમતા પ્રાપ્ત કરી લેશે, તો સમગ્ર મધ્ય પૂર્વ ક્ષેત્રમાં ઇઝરાયલનું વર્ચસ્વ લગભગ સમાપ્ત થઈ જશે. જે સ્થિતિમાં, પ્રશ્ન એ ઊભો થાય છે કે બાકીના વિશ્વને કેવી રીતે ખબર પડે છે કે કયો દેશ પરમાણુ બોમ્બ બનાવી રહ્યો છે અથવા તેની પાસે પરમાણુ બોમ્બ બનાવવા માટે સામગ્રી છે? જો તમારા મનમાં પણ આવા પ્રશ્નો હોય, તો ચાલો તમારા સવાલોનો જવાબ આપું....
કેવી રીતે જાણી શકીએ કે કયો દેશ પરમાણુ બોમ્બ બનાવી રહ્યો છે?
કયો દેશ પરમાણુ બોમ્બ બનાવી રહ્યો છે તે જાણવાની ઘણી રીતો છે. જેમાં પહેલું કામ ગુપ્તચર એજન્સીઓનું છે. દરેક દેશમાં અન્ય દેશોની ગુપ્તચર એજન્સીઓ કામ કરે છે. જેમનું મુખ્ય કામ એ શોધવાનું છે કે તે દેશમાં શું ચાલી રહ્યું છે? શસ્ત્રો પર કયું નવું સંશોધન થઈ રહ્યું છે? તે દેશમાં કયા ગુપ્ત મિશન ચાલી રહ્યા છે? તેઓ તેના વિશે ડેટા એકત્રિત કરે છે. જો આમાં પરમાણુ શસ્ત્રો સંબંધિત કોઈ માહિતી બહાર આવે છે, તો તેની માહિતી આંતરરાષ્ટ્રીય સ્તરે શેર કરવામાં આવે છે, જેથી તે દેશના પરમાણુ મિશનને રોકી શકાય. ગુપ્તચર એજન્સીઓ ઉપરાંત, તેનું સેટેલાઇટ દ્વારા પણ નિરીક્ષણ કરવામાં આવે છે. તેનો ઉપયોગ ચિત્રો લેવા અને પરમાણુ રિએક્ટર પર દેખરેખ રાખવા માટે થાય છે. ઉદાહરણ તરીકે, જ્યારે અમેરિકાએ ઈરાન પરમાણુ પ્લાન્ટ પર હુમલો કર્યો, ત્યારે તે પછી તે સ્થળની સેટેલાઇટ તસવીરો બહાર આવી છે, જેમાં બોમ્બ વિસ્ફોટથી બનેલા ખાડા દેખાય છે. આ ઉપરાંત આંતરરાષ્ટ્રીય પરમાણુ ઉર્જા એજન્સી પણ આમાં મહત્વપૂર્ણ ભૂમિકા ભજવે છે. તેનું કામ પરમાણુ ઉર્જાના શાંતિપૂર્ણ ઉપયોગને પ્રોત્સાહન આપવાનું છે. 2011માં IAEAના અહેવાલમાં જણાવાયું હતું કે ઈરાન 2003 સુધીમાં પરમાણુ બોમ્બ બનાવવાની નજીક પહોંચી ગયું હતું. આ પછી, ઈરાની યુરેનિયમ સંવર્ધન પ્રવૃત્તિઓ સ્થગિત કરવામાં આવી હતી.
સચોટ માહિતી એકત્રિત કરી શકાતી નથી?
કયો દેશ પરમાણુ શસ્ત્રો બનાવવા તરફ કામ કરી રહ્યો છે તે અંગે કોઈ સચોટ માહિતી નથી. ઉદાહરણ તરીકે, ઇઝરાયલ ક્યારેય સ્વીકારતું નથી કે તેની પાસે પરમાણુ બોમ્બ છે કે નહીં અને નકારે છે. આટલા સંશોધન છતાં, સચોટ માહિતી એકત્રિત કરી શકાઈ નથી.