Meta તેના Instagram Edits એપને વધુ શક્તિશાળી બનાવવા માટે સતત નવા AI ફીચર્સ ઉમેરી રહી છે. હવે કંપનીએ એપમાં એવા નવા ટૂલ્સ રજૂ કર્યા છે, જેના કારણે વીડિયો એડિટિંગ પહેલાં કરતાં વધુ સરળ અને સ્માર્ટ બનશે. સૌથી મોટું અપડેટ Bilingual Captionsનું છે, જેના દ્વારા હવે વીડિયોના Caption એકસાથે બે ભાષામાં જોઈ શકાશે. આ સુવિધા હાલમાં 15 ભાષાઓમાં ઉપલબ્ધ કરવામાં આવી છે, જેમાં ગુજરાતીનો પણ સમાવેશ થાય છે.
Instagram Edits એપ કન્ટેન્ટ ક્રિએટર્સ, ઇન્ફ્લુએન્સર્સ અને સોશિયલ મીડિયા યુઝર્સ માટે ખાસ તૈયાર કરવામાં આવી છે. નવા AI ટૂલ્સની મદદથી હવે વીડિયો વધુ ઝડપથી અને પ્રોફેશનલ રીતે તૈયાર કરી શકાશે.
હવે વીડિયો એડિટિંગ બનશે વધુ એડવાન્સ
Metaએ નવા અપડેટ સાથે અનેક ક્રિએટિવ ટૂલ્સ ઉમેર્યા છે. હવે યુઝર્સ વીડિયો ટેમ્પલેટમાં સરળતાથી Overlay ઉમેરી શકશે. ઉપરાંત, કોઈ ચોક્કસ વીડિયોને Lock કરવાનો વિકલ્પ પણ મળશે, જેથી મહત્વના ક્લિપ્સમાં અનિચ્છનીય ફેરફાર ન થાય.
એપમાં Seasonal Sound Effects નામનું નવું ફીચર પણ ઉમેરવામાં આવ્યું છે, જેના દ્વારા ઉનાળો સહિત વિવિધ સીઝનને અનુરૂપ નવા ઓડિયો ઇફેક્ટ્સનો ઉપયોગ કરી શકાય છે.
હવે એકસાથે બે ભાષામાં મળશે Caption
આ અપડેટનું સૌથી આકર્ષક ફીચર Bilingual Captions છે. આ ફીચરની મદદથી વીડિયોના Caption આપમેળે બીજી ભાષામાં પણ દર્શાવવામાં આવશે.
તેનો સૌથી મોટો ફાયદો એ છે કે હવે Captionનું અનુવાદ કરવા માટે અલગ એપ અથવા ટૂલનો ઉપયોગ કરવાની જરૂર રહેશે નહીં. સમગ્ર પ્રક્રિયા Instagram Edits એપની અંદર જ પૂર્ણ થઈ જશે.
Metaએ હાલમાં આ સુવિધા નીચેની 15 ભાષાઓ માટે ઉપલબ્ધ કરી છે:
English
Hindi
Gujarati
Bengali
Kannada
Portuguese
Spanish
German
French
Korean
Japanese
Italian
Thai
Russian
Indonesian
ગુજરાતી ભાષાના સમાવેશને કારણે ગુજરાતના કન્ટેન્ટ ક્રિએટર્સ માટે પણ આ ફીચર ખાસ ઉપયોગી બની શકે છે.
4K વીડિયો અને વોટરમાર્ક વગર એક્સપોર્ટ
Metaએ ગયા વર્ષે Instagram Edits એપ લોન્ચ કરી હતી જેથી યુઝર્સને મોબાઇલ પર જ પ્રોફેશનલ વીડિયો એડિટિંગનો અનુભવ મળી શકે.
આ એપ દ્વારા યુઝર્સ:
વીડિયો રેકોર્ડ કરી શકે છે.
Frame-level સુધી ચોકસાઈ સાથે એડિટિંગ કરી શકે છે.
10 મિનિટ સુધીનો 4K વીડિયો મફતમાં Watermark વગર Export કરી શકે છે.
આ સુવિધાઓને કારણે Edits એપ ટૂંકા સમયમાં અનેક કન્ટેન્ટ ક્રિએટર્સ માટે લોકપ્રિય બની રહી છે.
ટૂંક સમયમાં આવશે Desktop Version
અહેવાલો મુજબ Meta હવે Instagram Editsનું Desktop Version પણ લાવવાની તૈયારીમાં છે.
Desktop Version આવ્યા બાદ યુઝર્સ મોટી સ્ક્રીન પર વધુ સરળતાથી વીડિયો એડિટ કરી શકશે. ઉપરાંત, મોબાઇલ અને ડેસ્કટોપ વચ્ચે પ્રોજેક્ટ્સ આપમેળે Sync થઈ જશે, જેથી એક જ પ્રોજેક્ટને અલગ-અલગ ડિવાઇસ પર સરળતાથી આગળ વધારી શકાય. જોકે, Metaએ Desktop Version માટે સત્તાવાર લોન્ચ તારીખ જાહેર કરી નથી.
