Smriti-Jemimah With World Cup Trophy: ભારતીય મહિલા ટીમે વર્લ્ડ કપ 2025 ની ફાઇનલમાં સાઉથ આફ્રિકા સામે જીત મેળવીને 52 વર્ષમાં પ્રથમ વખત વર્લ્ડ કપ ફાઇનલ જીતી છે. ટીમ ઈન્ડિયાએ વર્લ્ડ કપ ફાઇનલમાં દક્ષિણ આફ્રિકાને 52 રનથી હરાવ્યું હતું. ભારતીય ટીમ સેમિફાઇનલમાં ઓસ્ટ્રેલિયાને હરાવીને ફાઇનલમાં પ્રવેશ મેળવ્યો હતો. સેમિફાઇનલ જીત્યા પછી, કેપ્ટન હરમનપ્રીત કૌરની આંખોમાં ખુશીના આંસુ હતા. સેમિફાઇનલમાં ટીમ ઈન્ડિયાની જીતથી ભારતની ફાઇનલ જીતવાની આશા વધી ગઈ. પરંતુ ફાઇનલ જીત્યા પછી પણ, ટીમ ઈન્ડિયાની ઉપ-કેપ્ટન સ્મૃતિ મંધાના અને સ્ટાર બેટ્સમેન જેમિમાહ રોડ્રિગ્સને હજુ પણ લાગે છે કે, ભારતીય ટીમને વર્લ્ડ ચેમ્પિયન બનાવવું એ એક સ્વપ્નથી ઓછું નથી.
સ્મૃતિ-જેમિમાએ ટ્રોફી સાથેનો ફોટો શેર કર્યો.
સ્મૃતિ મંધાના 2025 મહિલા વર્લ્ડ કપમાં ભારતની સૌથી વધુ રન બનાવનાર ખેલાડી હતી. સેમિફાઇનલમાં જેમિમાહ રોડ્રિગ્ઝની ઐતિહાસિક ઇનિંગ્સે ટીમને ફાઇનલમાં પહોંચાડી. ભારતના વિજય પછી, સ્મૃતિ મંધાના અને જેમિમાએ 3 નવેમ્બર, સોમવારે સવારે વર્લ્ડ કપ ટ્રોફી સાથેનો ફોટો શેર કર્યો. કેપ્શનમાં લખ્યું હતું, "Good morning world"
ભારતની જીત એક સ્વપ્નથી ઓછી નથી.’
જેમીમા રોડ્રિગ્ઝે તેના ઇન્સ્ટાગ્રામ એકાઉન્ટ પર બીજો ફોટો શેર કર્યો છે. આ ફોટામાં સ્મૃતિ અને જેમીમા, અરુંધતી રેડ્ડી અને રાધા યાદવ સાથે જોવા મળે છે. ચારેય ખેલાડીઓએ ટ્રોફી સાથેના પોતાનો ફોટો શેર કર્યા છે. ફોટા સાથેના કેપ્શનમાં લખ્યું છે, ‘Are we still dreaming?’ ભારત માટે આ જીત એટલી મહત્વપૂર્ણ છે કે, તેને માત્ર ભારતીય ખેલાડીઓ જ નહીં પરંતુ લાખો લોકોના સપના પૂરા કર્યા છે.
સ્મૃતિ મંધાનાએ હરમનપ્રીત કૌર સાથેનો ફોટો શેર કર્યા
સ્મૃતિ મંધાનાએ આજે સવારે ઉઠીને જેમીમા રોડ્રિગ્ઝ સાથેનો ફોટો શેર કર્યો, સાથે જ ટીમ ઈન્ડિયાના વિકટરી સેલિબ્રેશનના ફોટા પણ શેર કર્યા. ઈન્સ્ટાગ્રામ પરની પોતાની ત્રીજી પોસ્ટમાં, સ્મૃતિ મંધાનાએ કેપ્ટન હરમનપ્રીત કૌર સાથેનો ફોટો શેર કર્યો, જેમાં બંને ખેલાડીઓ અંતિમ વિજય પછી એકબીજાને ભેટી પડતા જોવા મળે છે.
