ભારતીય મહિલા ક્રિકેટ ટીમે પ્રથમ વખત વર્લ્ડ કપ જીતીને ઇતિહાસ રચ્યો છે. હરમનપ્રીત કૌરની આગેવાની હેઠળ ટીમે ફાઇનલમાં દક્ષિણ આફ્રિકાને 52 રનથી પરાજિત કરીને ટ્રોફી પર કબજો જમાવ્યો. આ જીતથી BCCIએ ટીમની મહેનતને સલામ કરતાં ₹51 કરોડની રોકડ ઇનામની જાહેરાત કરી છે, જેમાં ખેલાડીઓ, કોચ અને સપોર્ટ સ્ટાફનો સમાવેશ થાય છે.
ફાઇનલ મેચનું રોમાંચક વર્ણન
બેટિંગ અને બોલિંગમાં ભારતનું વર્ચસ્વ
બેટિંગમાં ધમાકેદાર શરૂઆત, પ્રથમ બેટિંગ કરતી ભારતીય ટીમે 298 રનનો મજબૂત સ્કોર ઊભો કર્યો. સ્મૃતિ મંધાના અને શેફાલી વર્માએ ઓપનિંગમાં 104 રનની શાનદાર ભાગીદારી કરીને પાયો નાખ્યો.
શેફાલી વર્માની તોફાની ઇનિંગ: 78 બોલમાં 87 રન (7 ચોગ્ગા, 2 છગ્ગા).
દીપ્તિ શર્માનો યોગદાન: 58 રનની અડધી સદી.
રિચા ઘોષની ઝડપી ફિનિશિંગ: 24 બોલમાં 34 રન (3 ચોગ્ગા, 2 છગ્ગા).
બોલિંગમાં દીપ્તિનો જાદુ
દક્ષિણ આફ્રિકાની ટીમ 246 રનમાં ઓલઆઉટ. દીપ્તિ શર્માએ 5 વિકેટ ઝડપીને મેચનો પાસો ફેરવ્યો. શેફાલી વર્માએ 7 ઓવરમાં 36 રન આપી 2 વિકેટ લીધી.દક્ષિણ આફ્રિકાની કેપ્ટન લૌરા વોલ્વાર્ડે 101 રનની સદી ફટકારી, પરંતુ બાકીની ટીમ ટકી શકી નહીં.
એવોર્ડ્સ અને BCCIની ઉદારતા
પ્લેયર ઓફ ધ મેચ: શેફાલી વર્મા (બેટ અને બોલ બંનેમાં શાનદાર પ્રદર્શન).
પ્લેયર ઓફ ધ ટુર્નામેન્ટ: દીપ્તિ શર્મા.
BCCIનું ઇનામ
₹51 કરોડની રકમ ટીમને આપવામાં આવશે. સેક્રેટરી દેવજીત સૈકિયાએ જણાવ્યું કે જય શાહની પહેલથી મહિલા ક્રિકેટમાં ક્રાંતિ આવી છે ઇનામી રકમ $2.88 મિલિયનથી વધારીને $14 મિલિયન કરવામાં આવી.
આ વિજયથી મહિલા ક્રિકેટને નવો વેગ મળ્યો છે. ભારતીય ટીમે સાબિત કર્યું કે તેઓ વિશ્વની ટોચની ટીમ છે!
