સપ્તાહના પ્રથમ ટ્રેડિંગ દિવસે ભારતીય શેરબજાર સ્થિરતાથી ખૂલ્યું હતું. BSE સેન્સેક્સ 42 પોઈન્ટ એટલે કે 0.06%ના સુધારા સાથે 81,802 પર ટ્રેડ થયો, જ્યારે NSE નિફ્ટી 3 પોઈન્ટ એટલે કે 0.01%ના સામાન્ય ઘટાડા સાથે 24,966 પર ખુલ્યો હતો. રોકાણકારો હાલ અમેરિકા-ભારત વેપાર સંભવિત સોદા અને ચીનના વ્યાજ દરના નિર્ણયોની રાહ જોતા સાવચેત વલણ અપી રહ્યાં છે.
હાર્ડલાઇન્સ શેરની વાત કરીએ તો HDFC બેંક, ICICI બેંક, ટાટા સ્ટીલ અને અલ્ટ્રાટેક સિમેન્ટે ઝડપી તેજી દર્શાવી હતી. બીજી તરફ, રિલાયન્સ ઇન્ડસ્ટ્રીઝ, એક્સિસ બેંક, મહિન્દ્રા & મહિન્દ્રા, ટાઇટન અને ઇન્ફોસિસના શેરોમાં ઘટાડો નોંધાયો હતો.
વ્યાપક બજાર પર નજર કરીએ તો નિફ્ટી મિડકેપ ઇન્ડેક્સમાં 0.34% અને નિફ્ટી સ્મોલકેપમાં 0.26%નો ઘટાડો થયો. ક્ષેત્રવાર જોવા જઈએ તો નિફ્ટી આઈટી 0.64%, નિફ્ટી ફાર્મા 0.42% અને નિફ્ટી ઓટો 0.34% ઘટ્યા હતા. બીજી તરફ, નિફ્ટી મેટલ 0.63%ના ઉછાળા સાથે પોઝિટિવ ટ્રેન્ડમાં રહ્યો.
વૈશ્વિક બજાર તરફ નજર કરીએ તો આજના એશિયન માર્કેટમાં મિશ્ર વલણ જોવાયું હતું. ચીનની સેન્ટ્રલ બેંકે લોન પ્રાઇમ રેટમાં કોઇ ફેરફાર કર્યો નથી. 1 વર્ષનો LPR 3% અને 5 વર્ષનો LPR 3.5% પર યથાવત્ રાખવામાં આવ્યો છે, જે અર્થવ્યવસ્થાને પ્રોત્સાહન આપવાની આશાઓ સાથે જોડાયેલ છે.
