''આપણી પાસે મજબૂત હવાઈ સંરક્ષણ હોવું જોઈએ'' : દેશની સંરક્ષણ પ્રણાલીને લઈ ડેપ્યુટી આર્મી ચીફ જનરલ રાહુલ સિંહ બોલ્યા

ભારતીય ડેપ્યુટી આર્મી ચીફ જનરલ રાહુલ સિંહ કહ્યું કે, 'ઓપરેશન સિંદૂરમાંથી આપણે પણ કંઈક શીખ્યા છીએ. નેતૃત્વ તરફથી સ્પષ્ટ સંદેશ હતો. એવું કહેવામાં આવ્યું હતું કે આપણે જે પીડા સહન કરી છે તેને ભૂલવાની જરૂર નથી. અમે થોડા વર્ષો પહેલા આ કરતા હતા. ડેટાના આધારે અમે લક્ષ્યો નક્કી કર્યા અને પછી હુમલાઓનું આયોજન કર્યું. આ માટે અમે ટેકનોલોજી અને માનવ બુદ્ધિનો ઉપયોગ કર્યો. અમે કુલ 21 લક્ષ્યો વિશે માહિતી મેળવી હતી અને અમે તેમાંથી 9ને નિશાન બનાવ્યા હતા. એટલું જ નહીં, અમે છેલ્લી ઘડીએ નક્કી કર્યું કે કયા 9 સ્થળોને નિશાન બનાવવા''
''સંરક્ષણ પ્રણાલીને વધુ મજબૂત બનાવવી પડશે''
લેફ્ટનન્ટ જનરલ રાહુલ સિંહે કહ્યું કે, ''આપણી પાસે મજબૂત હવાઈ સંરક્ષણ હોવું જોઈએ જેથી આપણે પાકિસ્તાન અને ચીનના ખતરાનો એકસાથે સામનો કરી શકી'' તેમણે કહ્યું, 'સમગ્ર ઓપરેશન દરમિયાન હવાઈ સુરક્ષા કેવી હતી તે મહત્વનું છે. આ વખતે આપણા નાગરિકોને કોઈ મોટું નુકસાન થયું નથી, પરંતુ આપણે આપણી હવાઈ સંરક્ષણ પ્રણાલીને વધુ મજબૂત બનાવવી પડશે' આ દરમિયાન તેમણે ભારતીય સેનાની પણ પ્રશંસા કરી અને કહ્યું કે, ''અમે પાકિસ્તાન પર ખૂબ જ ચોકસાઈથી હુમલો કર્યો અને તે જ સ્થળોને નિશાન બનાવ્યા જ્યાંથી આતંકવાદીઓ તાલીમ મેળવી રહ્યા હતા''
ચીને અન્ય શસ્ત્રો સામે પણ તેના શસ્ત્રોનું પરીક્ષણ કર્યું
નવા યુગની લશ્કરી ટેકનોલોજી વિષય પર આયોજિત એક કાર્યક્રમને સંબોધતા લેફ્ટનન્ટ જનરલે કહ્યું, કે, ''આપણી પાસે એક સરહદ હતી, પરંતુ બે દુશ્મનો હતા અને આમ ત્રણ હતા. પાકિસ્તાન સામે હતું અને ચીન તેને દરેક રીતે મદદ કરી રહ્યું હતું. પાકિસ્તાન પાસે જે શસ્ત્રો છે તેમાંથી 81 ટકા ચીનના છે. આ રીતે ચીને અન્ય શસ્ત્રો સામે પણ તેના શસ્ત્રોનું પરીક્ષણ કર્યું. આ રીતે ચીન માટે તેના શસ્ત્રોના પરીક્ષણ માટે એક લાઇવ લેબ બનાવવામાં આવી હતી. તેવી જ રીતે તુર્કીએ પણ પાકિસ્તાનને પોતાની રીતે મદદ કરી. જ્યારે DGMO સ્તરની ચર્ચા થઈ રહી હતી, ત્યારે પાકિસ્તાનને ચીન તરફથી સંપૂર્ણ અપડેટ્સ મળી રહ્યા હતા''