ભારત અને અમેરિકા વચ્ચે વેપાર કરારો અંગે મૂંઝવણનો આવશે અંત? : 48 કલાકમાં થશે મોટી ડીલ! વોશિંગ્ટનમાં વાતચીત શરૂ

ભારત અને અમેરિકા વચ્ચે આગામી 48 કલાકમાં એક વચગાળાનો વેપાર કરાર થવાની શક્યતા છે. આ કરાર અંગે વોશિંગ્ટનમાં બંને દેશો વચ્ચે વાતચીત ચાલી રહી છે. ભારતના વેપાર પ્રતિનિધિ વોશિંગ્ટનમાં થોડા વધુ દિવસો રોકાશે જેથી બંને દેશો વચ્ચે કરાર અંગેના મતભેદો ઉકેલી શકાય. બંને દેશો 9 જુલાઈ પહેલા વેપાર સોદો કરવા માંગે છે, કારણ કે તે પછી અમેરિકન રાષ્ટ્રપતિ ભારતથી અમેરિકા આવતા માલ પર ઊંચા ટેરિફ લાદવાનું શરૂ કરશે.
કયા વેપારમાં કરાર થઈ શકે?
સૂત્રો પાપ્ત વિગતો મુજબ અમેરિકા ભારતીય કૃષિ અને ડેરી ક્ષેત્રો માટે વધુ બજાર પ્રવેશ માટે દબાણ કરી રહ્યું છે. જોકે ગ્રામીણ આજીવિકા અને ખાદ્ય સુરક્ષાની ચિંતાઓને કારણે આ ક્ષેત્ર લાંબા સમયથી નવી દિલ્હી માટે રેડ ઝોન રહ્યું છે. ભારત માટે આ બાબતે સમાધાન કરવું અત્યંત મુશ્કેલ છે. એક અહેવાલ મુજબ ભારતના વેપાર પ્રતિનિધિ મુખ્ય કૃષિ અને ડેરી મુદ્દાઓ પર કોઈ સમાધાન કરશે નહીં. અમેરિકામાં ઉગાડવામાં આવતા આનુવંશિક રીતે સુધારેલા અથવા હાઇબ્રિડ મકાઈ, સોયાબીન, ચોખા અને ઘઉં પર ભારતમાં ટેરિફ ઘટાડવાનું અસ્વીકાર્ય છે.
ટ્રમ્પે ટેરિફની જાહેરાત કરી
તમને જણાવી દઈએ કે, આ વર્ષે 2 એપ્રિલના રોજ યુએસ રાષ્ટ્રપતિ ડોનાલ્ડ ટ્રમ્પે 'મુક્તિ દિવસ' તરીકે જાહેર કર્યો હતો અને તમામ દેશો પર પારસ્પરિક ટેરિફ લાદવાની જાહેરાત કરી હતી. ટ્રમ્પે અમેરિકા આવતા માલ પર 26 ટકા ટેરિફ લાદવાની ધમકી આપી હતી. જોકે, ત્યારબાદ ટ્રમ્પે વેપાર કરાર માટે વાટાઘાટો માટે સમય આપ્યો અને ટેરિફને અસ્થાયી રૂપે ઘટાડીને 10% કરવામાં આવ્યો છે. ટ્રમ્પે એમ પણ કહ્યું હતું કે ભારત અને અમેરિકા વચ્ચે ખૂબ જ ટૂંક સમયમાં વેપાર કરાર પર હસ્તાક્ષર કરવામાં આવશે.
અમેરિકન કંપનીઓને ભારતમાં કેવી રીતે મદદ મળશે?
એરફોર્સ વન પર એક પત્રકારો સાથે વાત કરતા તેમણે કહ્યું કે તેઓ ભારત સાથે એક એવો કરાર કરી શકે છે જે બંને દેશો માટે ટેરિફ ઘટાડશે અને યુએસ કંપનીઓને ભારતના 1.4 અબજ ગ્રાહકોના બજારમાં સ્પર્ધા કરવામાં મદદ કરશે.