પાંચ S-400 એર ડિફેન્સ સિસ્ટમ : મોદી-ુપુતિનની મુલાકાતમાં થઈ શકે છે ચર્ચા

ઓપરેશન સિંદૂર દરમિયાન S-400 સિસ્ટમની અસરકારક કામગીરીને ધ્યાનમાં રાખીને ભારત હવે રશિયા પાસેથી પાંચ વધારાના S-400 સ્ક્વોડ્રનની ખરીદી તરફ આગળ વધી રહ્યું છે. સાથે જ હાલની એર ડિફેન્સ ક્ષમતા માટે મોટા પ્રમાણમાં મિસાઇલ સ્ટોક પણ મેળવવાનું આયોજન છે. 5 ડિસેમ્બરે નવી દિલ્હીમાં થનારી મોદી પુતિન બેઠકમાં આ મહત્ત્વપૂર્ણ સોદા પર વિગતવાર ચર્ચા થવાની સંભાવના છે.

પાંચમી પેઢીના ફાઇટર જેટ વિષે હજુ નિર્ણય નથી ભારતીય વાયુસેનાને 2035 સુધી અસ્થાયી વિકલ્પની જરૂર

રશિયાના Sukhoi 57 ફાઇટર જેટના બે કે ત્રણ સ્ક્વોડ્રન ખરીદવા અંગે ભારતે હજી સુધી કોઈ અંતિમ મંતવ્ય આપ્યું નથી. રશિયા આ વિમાનને F-35 નો પ્રતિસ્પર્ધી તરીકે રજૂ કરી રહ્યું છે. સૂત્રો જણાવે છે કે AMCA પ્રોજેક્ટ 2035 સુધી સંપૂર્ણ રીતે તૈયાર ન થાય ત્યાં સુધી વાયુસેનાને મર્યાદિત સંખ્યામાં પાંચમી પેઢીના જેટની જરૂર છે, પરંતુ Sukhoi 57, F-35 કે અન્ય વિકલ્પોમાંથી કયા વિકલ્પ તરફ વળવું તે અંગે સૈન્ય સ્તરે હજી સ્પષ્ટતા નથી.

63,000 કરોડ રૂપિયાના સુખોઈ 30MKI અપગ્રેડને મંજૂરી મળવાની સંભાવના

તાત્કાલિક જરૂરિયાતોને ધ્યાનમાં રાખીને સિસીએસ પ્રથમ તબક્કામાં 84 Su-30MKI જેટ માટે 63,000 કરોડ રૂપિયાના આધુનિકીકરણ પેકેજને સ્વીકૃતિ આપવાની તૈયારીમાં છે. ભારતીય વીમાન દળ પાસે હાલ આ રશિયન મૂળના 259 જેટ છે. અપગ્રેડ યોજનામાં નવા રડાર, એવિઓનિક્સ, લાંબા અંતરના શસ્ત્રો અને મલ્ટી સેનસર ફ્યુઝનની ક્ષમતા સામેલ છે, જે તેમને આગામી 30 વર્ષ માટે પણ સ્પર્ધાત્મક રાખશે. મોટાભાગની ડિઝાઇન દેશમાં તૈયાર થશે છતાં રશિયાનું સહકાર જરૂરી રહેશે.

વૈશ્વિક પરિવર્તનો વચ્ચે ભારતનો સંતુલિત અભિગમ યુએસ અને રશિયા બંને સાથે સંબંધ જાળવશે

રશિયા અને યુનાઇટેડ સ્ટેટ્સ વચ્ચે વધતી વૈશ્વિક અસ્થિરતા વચ્ચે ભારત પોતાના રક્ષા સંબંધોને સંતુલિત રાખવાનો પ્રયાસ કરી રહ્યું છે. યુએસ તરફથી રશિયા સાથે વેપાર કરનારા દેશો માટે ચેતવણીઓ ચાલુ હોવા છતાં ભારત બંને દેશો સાથે વ્યૂહાત્મક સહકાર જાળવી રાખે છે. છેલ્લા 15 વર્ષમાં ભારત યુએસ સાથે 26 billion dollar ના રક્ષણ સોદા પૂર્ણ કરી ચૂક્યું છે. તાજેતરમાં તેજસ Mark 1A માટે 113 GE F404 એન્જિન ખરીદવા 1 billion dollar ના સોદાને મંજૂરી આપવામાં આવી હતી, તેમજ MH 60R Seahawk હેલિકોપ્ટર માટે 7000 કરોડ રૂપિયાના સપોર્ટ પેકેજને પણ હરી ઝંડી મળી હતી.

બાકી રહેલા બે S-400 સ્ક્વોડ્રનની ડિલિવરી 2026 સુધી રશિયાની ખાતરી

2018ના 5.4 billion dollar ના સોદા હેઠળ બાકી રહેલા S-400 સિસ્ટમના બે સ્ક્વોડ્રન રશિયા નવેમ્બર 2026 પહેલાં ભારતને સોંપશે એવી ખાતરી આપી છે. યુક્રેન સંઘર્ષને કારણે અગાઉ થયેલા વિલંબ પછી ભારતીય સેનાએ આશા વ્યક્ત કરી છે કે આ વખતની ડિલિવરી સમયસર થશે.

S-400 માટે 10,000 કરોડના વધારાના મિસાઇલ ઓર્ડર વિવિધ રેન્જના ઇન્ટરસેપ્ટર સામેલ

રક્ષણ મંત્રાલયે લગભગ 10,000 કરોડ રૂપિયામાં S-400 માટે વિશાળ સંખ્યામાં મિસાઇલ ઓર્ડરને મંજૂરી આપી છે. આ ઇન્ટરસેપ્ટર 120, 200, 250 અને 380 કિલોમીટર રેન્જને આવરી લે છે. તાજેતરના સરહદી તંગદિલી દરમિયાન ઉપયોગમાં લેવાયેલા સ્ટોકને ફરીથી ભરવા અને ભવિષ્ય માટે રિઝર્વ તૈયાર કરવા આ ખરીદી મહત્વપૂર્ણ છે.