Gujarat News: ચાલુ ચોમાસાની ઋતુમાં રાજ્યના મોટાભાગના વિસ્તારોમાં ભારે વરસાદને કારણે ઘણા રસ્તાઓ અને પુલોને નુકસાન થયું છે. મુખ્યમંત્રી ભૂપેન્દ્ર પટેલના માર્ગદર્શન હેઠળ માર્ગ અને મકાન વિભાગે મહાનગરપાલિકાઓ અને નગરપાલિકાઓને આ રસ્તાઓ અને પુલોનું તાત્કાલિક સમારકામ કરવા કડક સૂચનાઓ આપી છે. આ અંતર્ગત રાજ્યભરમાં હાલમાં યુદ્ધના ધોરણે કામ ચાલી રહ્યું છે.
આવા જ એક અભિયાનના ભાગ રૂપે મુખ્યમંત્રી ભૂપેન્દ્ર પટેલના માર્ગદર્શન હેઠળ અને નવસારી મહાનગરપાલિકાના કમિશનર દેવ ચૌધરીના નેતૃત્વ હેઠળ, નવસારી મહાનગરપાલિકાએ નવસારીમાં નાગરિક સુવિધાઓના ઝડપી નિકાલ અને રસ્તા સંબંધિત સમસ્યાઓના ઝડપી નિરાકરણ માટે મહત્વપૂર્ણ પગલાં લીધાં છે.
વોટ્સએપ હેલ્પલાઇન નંબર બહાર પાડવામાં આવ્યો
8 જુલાઈ, 2025 ના રોજ, વ્યાપક ફરિયાદ નિવારણ પ્રણાલી (CCRS) હેઠળ એક ખાસ ઝુંબેશ શરૂ કરવામાં આવી છે. તે મુજબ CCRS હેઠળ નાગરિકોને તેમની આસપાસના રસ્તાઓની ખરાબ સ્થિતિ અથવા ખાડાઓ અંગે તાત્કાલિક ફરિયાદો નોંધાવવા માટે વોટ્સએપ હેલ્પલાઇન નંબર - ૮૭૯૯૨ ૨૩૦૪૬ જારી કરવામાં આવ્યો છે. નાગરિકો આના પર પોતાના સ્થાન સાથે ફોટા મોકલી શકે છે.
સમસ્યાનો તાત્કાલિક ઉકેલ
આ સિસ્ટમ લાગુ થયા પછી દરરોજ સરેરાશ 80 ફરિયાદો મળી રહી છે. આ ફરિયાદોમાંથી લગભગ 85 ટકા ફરિયાદો મહાનગર પાલિકા દ્વારા એક જ દિવસે ઉકેલવામાં આવી રહી છે અને બાકીની ફરિયાદોનો 24 કલાકમાં ઉકેલ લાવવામાં આવી રહ્યો છે. વરસાદ ના આવવાની સ્થિતિમાં પેચ વર્ક (અમુક માત્રામાં ડામર અને કોલ્ડ મિક્સ) નિયમિતપણે કરવામાં આવી રહ્યું છે, જેથી ખાડા ઝડપથી ભરાઈ શકે અને લોકો સુરક્ષિત રીતે મુસાફરી કરી શકે. આ કામ માટે એક ખાસ મોબાઇલ ટીમ પણ બનાવવામાં આવી છે.
રોડ ડિમાન્ડ રિકવેસ્ટ નામની સુવિધા પણ ઉમેરવામાં આવી
વોટ્સએપ દ્વારા સામાન્ય લોકો પાસેથી મળેલા પ્રતિસાદને વધુ કાર્યક્ષમ બનાવવા માટે 9 જુલાઈ, 2025 ના રોજ નવસારી મહાનગર પાલિકા (NMC) કનેક્ટ એપમાં 'રોડ ડિમાન્ડ રિકવેસ્ટ' નામની એક નવી સુવિધા ઉમેરવામાં આવી છે. આ સુવિધા દ્વારા નાગરિકો તેમના વિસ્તારમાં રસ્તાની જરૂરિયાત અથવા માંગણી સરળતાથી નોંધાવી શકે છે. આ માહિતી સીધી CCRS પોર્ટલ સાથે જોડાયેલ હોવાથી તેની તાત્કાલિક સમીક્ષા કરીને કામ શરૂ કરી શકાય છે.
ચૂંટણીમાં ભાજપ વોર્ડ દીઠ તૈયાર કરશે 12 નામોની પેનલ: જાણો 12 માંથી કેવી રીતે નક્કી કરવામાં આવશે 4-4 નામો
