Vaibhav Suryavanshi: BCCIએ ICC અંડર-19 વર્લ્ડ કપ 2026 પહેલા દક્ષિણ આફ્રિકા સામેની ત્રણ મેચની યુથ ODI શ્રેણી માટે ભારતીય ટીમની જાહેરાત કરી છે. આ શ્રેણીમાં 14 વર્ષીય બેટિંગ સનસની વૈભવ સૂર્યવંશીને કેપ્ટન તરીકેની જવાબદારી સોંપવામાં આવી છે, જ્યારે આરોન જ્યોર્જ ઉપ-કેપ્ટન રહેશે. આ નિર્ણય પાછળનું મુખ્ય કારણ છે નિયમિત કેપ્ટન આયુષ મ્હાત્રે અને ઉપ-કેપ્ટન વિહાન મલ્હોત્રાની કાંડાની ઈજા. બંને ખેલાડીઓ આ શ્રેણીમાંથી બહાર રહેશે અને BCCIના સેન્ટર ઓફ એક્સેલન્સમાં રિહેબિલિટેશન કરશે. તેઓ વર્લ્ડ કપ પહેલા ટીમ સાથે જોડાશે, જ્યાં આયુષ મ્હાત્રે કેપ્ટનશિપ સંભાળશે.
આ ત્રણ મેચની શ્રેણી બેનોનીમાં 3, 5 અને 7 જાન્યુઆરીએ રમાશે, જે ઝિમ્બાબ્વે અને નામિબિયામાં યોજાનાર ICC ICC Under-19 World Cup 2026 માટે મહત્વની તૈયારી છે.
દક્ષિણ આફ્રિકા સામેની યુથ ODI શ્રેણી માટે ભારતીય Under-19 ટીમ:
વૈભવ સૂર્યવંશી (કેપ્ટન)
આરોન જ્યોર્જ (ઉપ-કેપ્ટન)
વેદાંત ત્રિવેદી
અભિજ્ઞાન કુંડુ (વિકેટકીપર)
હરવંશ સિંહ (વિકેટકીપર)
આર.એસ. અંબરીશ
કનિષ્ક ચૌહાણ
ખિલન પટેલ
મોહમ્મદ એનાન
હેનિલ પટેલ
ડી. દીપેશ
કિશન કુમાર સિંહ
ઉધવ મોહન
યુવરાજ ગોહિલ
રાહુલ કુમાર
2025 માં વૈભવ સૂર્યવંશીનું શાનદાર વર્ષ
2025 વૈભવ માટે અદ્ભુત રહ્યું છે. તેણે IPLમાં રાજસ્થાન રોયલ્સ તરફથી ડેબ્યૂ કર્યું અને માત્ર 35 બોલમાં સદી ફટકારીને રેકોર્ડ બનાવ્યો – IPL ઇતિહાસમાં ભારતીય તરફથી સૌથી ઝડપી સદી! વધુમાં, વિજય હજારે ટ્રોફીમાં પણ તેણે ધમાકેદાર પ્રદર્શન કર્યું અને યુથ ક્રિકેટમાં અનેક રેકોર્ડ તોડ્યા. હવે કેપ્ટન તરીકેની આ જવાબદારી સાથે બધાની નજર તેના પ્રદર્શન પર રહેશે. આ શ્રેણી અને વર્લ્ડ કપમાં ભારતીય યુવા ટીમના પ્રદર્શન પર બધાની નજર રહેશે!
