હેવાન બન્યો પતિ! પત્નીની હત્યા, લાશના ટુકડા કર્યા; સૂટકેસમાં ભર્યા : સાસુને બોલાવીને કહ્યું- 'મેં તમારી દીકરીની હત્યા કરી છે'

બેંગલુરુના હુલિમાવુમાં એક ચોંકાવનારો કિસ્સો સામે આવ્યો છે. હુલિમાવુના ડોડ્ડા કમમાનહલ્લીમાં એક મહિલાનો મૃતદેહ સૂટકેસમાંથી મળી આવ્યો હતો. મહિલાની હત્યા અન્ય કોઈએ નહીં પરંતુ તેના પતિએ કરી હતી. હત્યા કર્યા પછી પતિએ લાશના ટુકડા કરી દીધા અને પછી તેને સૂટકેસમાં ભરી દીધા. ઘટના બાદ પતિએ પત્નીના માતા-પિતાને ફોન કરીને કહ્યું કે તમારી પુત્રીની લાશ સૂટકેસમાં છે. હાલમાં બેંગલુરુ પોલીસ આ કેસની તપાસમાં વ્યસ્ત છે. આ ઘૃણાસ્પદ ઘટનાથી સૌ કોઈ ચોંકી ગયા છે.

એક વર્ષ પહેલા, મહારાષ્ટ્ર સ્થિત દંપતી રાકેશ અને ગૌરી અનિલ સાંબેકર (32) બેંગલુરુના ડોડ્ડા કમમાનહલ્લી વિસ્તારમાં એક ઘરમાં શિફ્ટ થયા હતા. અહીં બંને એક ખાનગી કંપનીમાં નોકરી કરતા હતા. બંને ઘરેથી કામ કરતા હતા. બંને ઘરે રહીને કામ કરતા હતા. જોકે, બંને વચ્ચે અવારનવાર ઝઘડા થતા હતા. તેના પડોશીઓ પણ તેનાથી પરેશાન હતા. ઘણી વખત પાડોશીઓએ પણ બંનેને સમજાવ્યા. ત્યારબાદ બંને વચ્ચે વિવાદ ચાલતો રહ્યો.

હત્યા બાદ લાશ સૂટકેસમાં ભરી
રાકેશે સૌપ્રથમ ગુરુવારે ગૌરીની હત્યા કરી હતી. હત્યા કર્યા બાદ લાશના ટુકડા કરી નાખ્યા હતા. પછી તેને સૂટકેસમાં ભરી. આ પછી રાકેશે મહારાષ્ટ્રમાં રહેતા ગૌરીના માતા-પિતાને ફોન કરીને કહ્યું કે તેણે ગૌરીની હત્યા કરી છે. આ સાંભળીને ગૌરીના માતા-પિતાના પગ નીચેથી જમીન સરકી ગઈ. તેણે તરત જ નજીકના પોલીસ સ્ટેશનને આની જાણ કરી. મહારાષ્ટ્ર પોલીસ પાસેથી મળેલી માહિતીના આધારે બેંગલુરુની હુલિમાવુ પોલીસ ઘટનાસ્થળે પહોંચી હતી.

પોલીસ કેસની તપાસમાં લાગી
પોલીસને જોઈને તેના પાડોશીઓને પણ રાકેશની ક્રૂરતાની જાણ થઈ ગઈ. પોલીસ ઘટનાની તપાસમાં વ્યસ્ત છે. મૃતદેહને સૂટકેસમાંથી કાઢીને પોસ્ટમોર્ટમ માટે મોકલી આપવામાં આવ્યો છે. જો કે હજુ સુધી પોલીસે રાકેશની ધરપકડ કરી છે કે કેમ તે અંગે માહિતી મળી નથી. ડીસીપી સારા ફાતિમાએ પણ ઘટનાસ્થળે તપાસ કરી હતી. ડીસીપી સારા ફાતિમાએ જણાવ્યું કે મૃતદેહને પોસ્ટમોર્ટમ માટે મોકલી દેવામાં આવ્યો છે. મૃતક મહિલાના માતા-પિતા બેંગલુરુ આવી રહ્યા છે. તેમની પૂછપરછ કર્યા બાદ જ કેટલીક માહિતી મળશે.