ICC ODI Ranking: ભારતીય ટીમના સ્ટાર બેટ્સમેન વિરાટ કોહલીએ સાઉથ આફ્રિકા સામેની પહેલી ODI માં શાનદાર સેંચુરી ફટકારી. તેણે ફરી એકવાર સાબિત કર્યું કે, તે મોર્ડન ક્રિકેટના સૌથી વિશ્વસનીય ખેલાડીઓમાંનો એક છે. રાંચીમાં રમાયેલી મેચમાં, વિરાટ કોહલીએ પ્રભાવશાળી રીતે પોતાના 100 રન પૂરા કર્યા અને ટીમ ઈન્ડિયાની ઇનિંગ્સને મજબૂત બનાવી. આ પ્રદર્શન પછી, ચાહકો તરફથી પહેલો પ્રશ્ન એ હતો કે, શું કોહલીની ICC ODI રેન્કિંગ બદલાઈ ગઈ છે?
વિરાટ કોહલીની રેન્કિંગ
ICC મેન્સ ODI બેટિંગ રેન્કિંગ અનુસાર, વિરાટ કોહલી હાલમાં પાંચમા સ્થાને છે. તેના રેટિંગ પોઈન્ટ 725 છે. તેને શાનદાર સેંચુરી ફટકારી હોવા છતાં, તેના રેન્કિંગમાં કોઈ ખાસ ફેરફાર થયો નથી. તેનું કારકિર્દીનું શ્રેષ્ઠ રેટિંગ 909 છે, જે તેને 2018 માં ઈંગ્લેન્ડ સામે હાંસલ કરી હતી.
રોહિત શર્મા કેવું કરી રહ્યો છે?
પૂર્વ ભારતીય કેપ્ટન રોહિત શર્મા 781 રેટિંગ પોઈન્ટ સાથે ODI રેન્કિંગમાં નંબર વન બેટ્સમેન છે. ભારતીય યુવા કેપ્ટન શુભમન ગિલ 745 પોઈન્ટ સાથે ચોથા ક્રમે છે. ગિલે છેલ્લા બે વર્ષમાં ODI માં પોતાના સતત પ્રદર્શનથી ટોપના ખેલાડીઓમાં પોતાને સમાવેશ કર્યો છે.
ICC રેન્કિંગ
રોહિત શર્મા (ભારત) - 781
ડેરિલ મિશેલ (ન્યુઝીલેન્ડ) - 766
ઇબ્રાહિમ ઝદરાન (અફઘાનિસ્તાન) - 764
શુભમન ગિલ (ભારત) - 745
વિરાટ કોહલી (ભારત) - 725
બાબર આઝમ (પાકિસ્તાન) - 722
હેરી ટેક્ટર (આયર્લેન્ડ) - 708
શાઈ હોપ (વેસ્ટ ઈન્ડિઝ) - 701
શ્રેયસ ઐયર (ભારત) - 700
ચારિથ અસલંકા (શ્રીલંકા) - 690
રેન્કિંગમાં વધુ ઉછાળો પણ શક્ય
સાઉથ આફ્રિકા સામેની સીરિઝમાં હજુ બે મેચ બાકી છે. જો કોહલી આગામી મેચોમાં પણ શાનદાર પ્રદર્શન કરે છે, તો તેને રેન્કિંગમાં નોંધપાત્ર ઉછાળો જોવા મળી શકે છે. કોહલી પાસે ટોપના 3 માં પહોંચવાની સુવર્ણ તક છે કારણ કે, વિરાટ કોહલી અને તેની ઉપરના ખેલાડીઓ વચ્ચેનું અંતર બહુ મોટું નથી.
