જાણો ખાસિયતો અને ફીચર્સ : Honda નું નવું 125cc સ્કૂટર ટૂંક સમયમાં થશે લોન્ચ! TVS Ntorqની વધી શકે છે સમસ્યાઓ

Honda NPF125: હોન્ડા હવે તેનું નવું 125 cc સ્કૂટર લોન્ચ કરવાની તૈયારી કરી રહી છે. નવું મોડલ NPF 125 નામ સાથે આવી શકે છે. આ સિવાય કંપની ભવિષ્યમાં ઘણા ઈલેક્ટ્રિક વાહનો પણ રજૂ કરશે. આ સ્કૂટર દ્વારા કંપની TVS Ntorq ને ટક્કર આપશે. હોન્ડાનું આ સ્કૂટર 125cc એન્જિનમાં આવશે. હોન્ડા પાસે હાલમાં એક્ટિવા 125 સ્કૂટર છે જે ફેમિલી ક્લાસને ટાર્ગેટ કરે છે. પરંતુ કંપની પાસે હજુ સુધી યુવાનો માટે કોઈ પાવરફુલ સ્કૂટર નથી. આ સ્કૂટર વિશે કંપની તરફથી હજુ સુધી કોઈ માહિતી મળી નથી. ચાલો જાણીએ કે આમાં કંઈક ખાસ અને નવું જોવા મળશે કે કેમ.

હોન્ડા NPF125: એન્જિન અને પાવર
મીડિયા રિપોર્ટ્સ અનુસાર આવનારી Honda NPF 125માં 124 cc સિંગલ સિલિન્ડર, એર-કૂલ્ડ એન્જિન મળશે જે 9.51 PS અને 10 NM ટોર્ક જનરેટ કરી શકે છે. તેમાં 5.7 લીટરની ફ્યુઅલ ટેન્ક છે. જાણકારી અનુસાર, આ સ્કૂટર એક લીટરમાં 50 કિલોમીટર સુધીનું અંતર કાપી શકે છે. આ મોડલમાં 12 ઇંચના આગળના ટાયર અને 10 ઇંચના પાછળના ટાયર હશે.

તેની સીટની નીચે 14.3 લીટર જગ્યા હશે, જ્યાં તમે તમારો મહત્વપૂર્ણ સામાન રાખી શકો છો. હોન્ડા આ સ્કૂટરમાં એન્ટી લોક બ્રેકિંગ સિસ્ટમ આપી શકે છે. તેના સ્કૂટરની કિંમત 95,000 રૂપિયાથી શરૂ થઈ શકે છે.

TVS NTorq 125ને મળે સખત ટક્કર
Honda NPF 125 સ્કૂટરની વાસ્તવિક સ્પર્ધા TVS NTorq 125 સાથે થશે જે એક સફળ સ્કૂટર છે અને યુવાનોને પણ આકર્ષી રહ્યું છે. TVS NTorq 125માં 124.8cc સિંગલ સિલિન્ડર એન્જિન છે જે 9.25bhpનો પાવર અને 10.5Nmનો ટોર્ક જનરેટ કરે છે. તેમાં CVT ગિયરબોક્સની સુવિધા છે.

આ એક સ્પોર્ટી સ્કૂટર છે. તેની ટોપ સ્પીડ 90kmph છે. આ સ્કૂટર એક લીટરમાં 48.5 કિમી (ARAI)ની માઈલેજ આપે છે. તેમાં 12 ઇંચના ટાયર છે, જે રસ્તા પર સારી પકડ આપે છે.