Honda City : ભારતીય ઓટોમોબાઈલ માર્કેટમાં હોન્ડા સિટી લાંબા સમયથી ગ્રાહકોની ફેવરિટ અને ભરોસાપાત્ર સેડાન કાર રહી છે. આ કાર હંમેશાથી તેની પ્રીમિયમ સ્ટાઇલ, આરામદાયક સવારી અને સ્પેસ માટે જાણીતી છે. હવે કંપનીએ આ લોકપ્રિય કારને વધુ આધુનિક બનાવીને નવી Honda City Hybrid બજારમાં ઉતારી છે. જો તમે તમારા પરિવાર માટે નવી SUV ખરીદવાનું વિચારી રહ્યા છો, તો આ સેડાન કાર તમારા નિર્ણયને બદલી શકે છે. આ કારમાં આકર્ષક લુકની સાથે દમદાર માઇલેજ પણ મળે છે.
પ્રીમિયમ ડિઝાઇન
નવી હોન્ડા સિટી હાઇબ્રિડ લુકના મામલે પહેલા કરતાં વધુ આકર્ષક અને સ્પોર્ટી લાગે છે. કારના આગળના ભાગમાં નવા LED હેડલેમ્પ્સ અને ફ્રન્ટ લાઇટ બાર આપવામાં આવ્યા છે. આ સિવાય નવું બમ્પર અને સુંદર એલોય વ્હીલ્સ આ કારને રસ્તા પર એક દમદાર લુક આપે છે, જેના કારણે તે રોડ પર ચાલતી વખતે લોકોનું ધ્યાન ખેંચે છે.
મોડર્ન ફીચર્સ
કારની અંદર પ્રીમિયમ ફીલ કરાવવા માટે કેબિનમાં ઘણી નવા ફીચર્સ ઉમેરવામાં આવી છે. તેમાં મોટી ટચસ્ક્રીન ઇન્ફોટેનમેન્ટ સિસ્ટમ અને ડ્રાઇવિંગને સરળ બનાવવા માટે 360 ડિગ્રી કેમેરા આપવામાં આવ્યો છે. સુરક્ષા માટે તેમાં ADAS જેવી અદ્યતન ટેકનોલોજી છે. આ સિવાય વેન્ટિલેટેડ ફ્રન્ટ સીટ્સ, ઇલેક્ટ્રોનિક પાર્કિંગ બ્રેક અને ક્લાઇમેટ કંટ્રોલ જેવા પ્રીમિયમ ફીચર્સ મુસાફરીને વધુ મજેદાર બનાવે છે.
Honda Amaze, City અને Elevate પર કરો લાખો રૂપિયાની બચત!: જાણો કયા મોડલ પર કેટલાનું ડિસ્કાઉન્ટ મળશે
બેઠક વ્યવસ્થા અને આરામ
આ સેડાન કારમાં બેસવા માટે ખૂબ જ સારો સ્પેસ મળે છે. ખાસ કરીને પાછળની સીટ પર બેસતા મુસાફરો માટે સારો લેગરૂમ અને પૂરતી પહોળાઈ રાખવામાં આવી છે, જેથી લાંબી મુસાફરીમાં પણ કોઈ થાક લાગતો નથી. જો આ કારમાં પાવર્ડ સીટ્સ અને પાછળના કાચ માટે સનશેડ જેવા ફીચર્સ હોત તો આ પેકેજ હજુ વધુ મજબૂત બની શક્યું હોત, તેમ છતાં આ સેગમેન્ટમાં તે સૌથી આધુનિક છે.
એન્જિન પાવર અને માઇલેજ
આ કારનું સૌથી મોટું આકર્ષણ તેની હાઇબ્રિડ સિસ્ટમ છે. તેમાં 126bhp નો પાવર અને 253Nm નો ટોર્ક મળે છે. આ ટેકનોલોજી પેટ્રોલ અને ઇલેક્ટ્રિક પાવર વચ્ચે ખૂબ જ સરળતાથી કામ કરે છે. સિટીના ટ્રાફિકમાં આ કાર ઘણીવાર ઇલેક્ટ્રિક મોડ પર ચાલે છે, જેના કારણે ફ્યુઅલની મોટી બચત થાય છે. આ કાર સામાન્ય રસ્તાઓ પર 17 થી 20 કિમી સુધીની શાનદાર માઇલેજ આપે છે, જ્યારે હાઇવે પર આ માઇલેજ હજુ પણ વધી શકે છે.
પેટ્રોલના વધતા ભાવ વચ્ચે Hero MotoCorp નો મોટો દાવ!: 3 જૂનથી ભારતીય રસ્તાઓ પર જોવા મળશે નવી ટેક્નોલોજી
કિંમત અને અમારો અભિપ્રાય
આ કારની અંદાજિત કિંમત 21 લાખ રૂપિયાની આસપાસ છે. જે લોકોનું ડેઇલી ડ્રાઇવિંગ વધારે છે અને જેઓ ઓછા ખર્ચમાં પ્રીમિયમ ગાડી ચલાવવાનો આનંદ લેવા માંગે છે, તેમના માટે નવી હોન્ડા સિટી હાઇબ્રિડ એક ખૂબ જ સમજદારીભર્યો અને બેસ્ટ ઓપ્શન સાબિત થઈ શકે છે.
