હવામાન વિભાગે રાજ્યમાં આગામી સાત દિવસ માટે હળવાથી મધ્યમ તેમજ કેટલીક જગ્યાએ ભારે વરસાદની આગાહી કરી છે. ખાસ કરીને ઉત્તર ગુજરાત અને સૌરાષ્ટ્રના જિલ્લામાં સારો વરસાદ વરસી શકે છે. બનાસકાંઠા, પાટણ, કચ્છ, મોરબી અને જામનગર જિલ્લામાં ઓરેન્જ એલર્ટ જાહેર કરવામાં આવ્યું છે. જ્યારે અમદાવાદ અને ગાંધીનગરમાં ગાજવીજ સાથે વરસાદ પડવાની શક્યતા છે.
અંબાલાલ પટેલની આગાહી મહત્વપૂર્ણ સાબિત થઈ શકે
હવામાન નિષ્ણાત અંબાલાલ પટેલે આગામી દિવસોમાં ભારે વરસાદની આગાહી કરી છે. તેમના જણાવ્યા મુજબ:
23 જુલાઈના રોજ બંગાળની ખાડીમાં લો-પ્રેશર સર્જાઈ શકે છે.
જેના કારણે 28 જુલાઈ સુધી રાજ્યમાં ભારે વરસાદની સ્થિતિ બની શકે છે.
આ આગાહીના આધારે મધ્ય ગુજરાત, ખાસ કરીને અમદાવાદ, ગાંધીનગર, પંચમહાલ, સાબરકાંઠા અને વડોદરામાં ભારેથી અતિભારે વરસાદની શક્યતા છે. ઉત્તર ગુજરાતના બનાસકાંઠા અને પાટણ જિલ્લામાં પણ વરસાદી માહોલ સર્જાઈ શકે છે.
હવામાન વિભાગ તથા નિષ્ણાતોની આગાહી પ્રમાણે જો હાલત વકરે, તો નીચેની બાબતોનું પાલન કરવું અનિવાર્ય બની શકે:
નદી કે નાળાઓના નજીક ના જવું.
વધુ પડેલા પાણીમાં વાહન ચલાવવાનું ટાળવું.
સ્થાનિક તંત્ર દ્વારા આપવામાં આવેલી સૂચનાઓનું પાલન કરવું.
