પંચમહાલમાં ચાંદીપુરા વાયરસનો હાહાકાર: વધુ એક માસૂમનું મોત, કુલ મૃત્યુઆંક ૩ પર પહોંચ્યો

પંચમહાલ જિલ્લામાં ચાંદીપુરા વાયરસના પ્રકોપથી ગોધરાના મણિપુર ગામના ૧ વર્ષના માસૂમ બાળકનું શંકાસ્પદ લક્ષણોથી મોત નીપજ્યું છે. તબિયત લથડતા તેને અમદાવાદ રીફર કરાતો હતો, પરંતુ રસ્તામાં જ તેણે દમ તોડી દીધો હતો. આ સાથે જિલ્લામાં વાયરસના કારણે કુલ મૃત્યુઆંક ૩ પર પહોંચતા વાલીઓમાં ભારે ફફડાટ વ્યાપી ગયો છે. ઘટનાને પગલે જિલ્લા આરોગ્ય વિભાગ એક્શન મોડમાં આવ્યું છે. ટીમો દ્વારા અસરગ્રસ્ત વિસ્તારોમાં સઘન સર્વેલન્સ હાથ ધરીને સંક્રમણ ફેલાવતી ૩૦૦થી વધુ ‘સેન્ડફ્લાય’ માખીઓ લેબ ટેસ્ટિંગ માટે પકડી પાડી છે. તંત્ર દ્વારા ગ્રામ્ય વિસ્તારોમાં જંતુનાશક દવાઓનો છંટકાવ, ફોગિંગ અને મકાનોની તિરાડો પૂરવાની કામગીરી યુદ્ધના ધોરણે શરૂ કરવામાં આવી છે.