ગુજરાત સરકારે AI આધારિત ગવર્નન્સ તરફ મોટું પગલું ભરીને આજે એ.આઈ. ઈમ્પેક્ટ રિજનલ કોન્ફરન્સમાં અનેક મહત્વપૂર્ણ જાહેરાતો કરી છે. મુખ્યમંત્રી ભૂપેન્દ્ર પટેલની અધ્યક્ષતામાં યોજાયેલી આ બેઠકમાં “Gujarat AI Stack” થી લઈને નવા Cloud Adoption Guidelines સુધીના નિર્ણયો લેવામાં આવ્યા. રાજ્યના ડિજિટલ ગવર્નન્સને વધુ સ્માર્ટ, સલામત અને ઝડપી બનાવવા પર ખાસ ભાર મુકાયો.
આ કોન્ફરન્સમાં સૌથી મોટી જાહેરાત Gujarat AI Stack નું લોન્ચિંગ હતી. આ સ્ટેક અંતર્ગત સરકારી વિભાગો હવે “Plug-and-Play” મોડેલથી સીધા AI ટૂલ્સ ઉપયોગ કરી શકશે. તેમાં કૃષિ AI, યોજનાની પાત્રતા ચકાસણી સિસ્ટમ, પ્રોક્યોરમેન્ટ ચેટબોટ, ગ્રીવન્સ ક્લાસિફાયર, ડોક્યુમેન્ટ એક્સ્ટ્રેક્ટર અને ચેટ મેનેજમેન્ટ ટૂલનો સમાવેશ થાય છે. આ AI ટૂલ્સના ઉપયોગથી રાજ્યની ગવર્નન્સ સેવાઓ વધુ ઝડપી, ચોકસાઇયુક્ત અને નાગરિકમિત્ર બને તેવી અપેક્ષા છે.
રાજ્ય સરકારે બીજી મોટી જાહેરાત કરીને Gujarat Cloud Adoption Guidelines 2025 જાહેર કરી. આ નવી નીતિ રાજ્યમાં secure, scalable અને AI-ready ક્લાઉડ ઇન્ફ્રાસ્ટ્રક્ચર સ્થાપિત કરશે. MeitY empanelled cloud services અને નેશનલ GPU compute નો ઝડપી અપનાવ પણ હવે સરળ બનશે.
કોન્ફરન્સ દરમિયાન બે મહત્વપૂર્ણ MoU પર હસ્તાક્ષર થયા.
1. ગુજરાત સરકાર – Google – BHASHINI વચ્ચેનું MoU, જે બહુભાષીય AI, ગુજરાતી ભાષા મોડેલો અને ડિજિટલ પબ્લિક સર્વિસિસને વધુ શક્તિશાળી બનાવશે.
2. ગુજરાત સરકાર – GIFT City – Henox MoU, જેના અંતર્ગત રાજ્યમાં Cable Landing Station (CLS) સ્થાપિત થશે. આ સાથે ગુજરાત વૈશ્વિક ડિજિટલ કનેક્ટિવિટીનું મુખ્ય કેન્દ્ર બને તેવી શક્યતા છે અને ગ્રીન ડેટા સેન્ટર્સને પણ મોટો લાભ મળશે.
ગુજરાત સરકારે AI અને ક્લાઉડ ઈકોસિસ્ટમમાં લીધેલા આ નિર્ણયો રાજ્યને આગામી વર્ષોમાં ટેકનોલોજી આધારિત ગવર્નન્સમાં દેશનો લીડર બનાવશે તેવી નિશ્ચિતતા વ્યક્ત કરવામાં આવી છે.
