આજનો દિવસ શેરબજારમાં રોકાણ કરતા લોકોને ફળ્યો છે. BSE સેન્સેક્સ આજે 232 પોઈન્ટ અથવા 0.28%ના ઉછાળા સાથે 82,419ના સ્તરે ટ્રેડ કરી રહ્યો છે. બીજી તરફ, NSE નિફ્ટી 50 ઇન્ડેક્સ પણ 57 પોઈન્ટ (0.23%)ના વધારા સાથે 25,118 પર પહોંચી ગયો. સવારે 8:50 વાગ્યે, નિફ્ટી ફ્યુચર્સ 79 પોઈન્ટ વધીને 25,172 પર ટ્રેડ થઈ રહ્યા હતા, જે સ્થાનિક બજાર માટે મજબૂત શરૂઆત દર્શાવે છે.
એશિયન બજારોમાં ઊછાળો, જાપાન-અમેરિકા વેપાર સોદાનો અસર
જાપાન અને અમેરિકા વચ્ચેના ઐતિહાસિક વેપાર કરારના પગલે એશિયન બજારોમાં પણ તેજી જોવા મળી. સોદા હેઠળ જાપાન માટે ટેરિફ દર 25%થી ઘટાડી 15% કરવામાં આવ્યો છે. તેના બદલે જાપાન અમેરિકામાં $550 બિલિયનનું રોકાણ કરશે, ખાસ કરીને ઓટોમોબાઈલ, કૃષિ અને ચોખાના ક્ષેત્રોમાં.
નિક્કી 225 ઇન્ડેક્સ 1.85% વધ્યો
ટોપિક્સ ઇન્ડેક્સમાં 1.95%નો ઉછાળો
ASX 200 (ઓસ્ટ્રેલિયા) 0.55% વધ્યો
કૉસ્પી (દક્ષિણ કોરિયા) સ્થિર રહ્યો
વોલ સ્ટ્રીટ મિશ્ર વલણ સાથે બંધ
યુએસ શેરબજાર મિશ્ર વલણ સાથે બંધ થયો.
S&P 500 0.06% વધીને 6,309.62 ના રેકોર્ડ સ્તરે બંધ
ડાઉ જોન્સ 0.4%ના ઉછાળા સાથે 44,502.44 પર બંધ
નાસ્ડેક 0.39%ના ઘટાડા સાથે 20,892.69 પર બંધ
