સામાન્ય રીતે જ્યારે જૂની વાઇનની વાત આવે ત્યારે લોકોના મનમાં યુરોપિયન દેશોના નામ જ આવતા હોય છે, પરંતુ વાસ્તવિકતા તેનાથી તદ્દન અલગ છે. વિશ્વની સૌથી પહેલી વાઇન Georgiaમાં બની હતી અને તેની વાઇન બનાવવાની પરંપરા 8000 વર્ષ કરતા પણ વધુ પ્રાચીન છે. ઐતિહાસિક પુરાવાઓ મુજબ Georgiaમાં વાઇનનું ઉત્પાદન અંદાજે 6000 BCમાં શરૂ થયું હતું. આ પરંપરા ઇજિપ્તના પિરામિડો અને ક્લાસિકલ યુરોપિયન વાઇન પરંપરાઓ કરતા પણ ઘણી જૂની છે. આજે પણ અહીં હજારો વર્ષ જૂની ટેકનિકનો ઉપયોગ કરીને જ વાઇન બનાવવામાં આવે છે.
પુરાતત્વીય ઉત્ખનનમાં મળ્યા 6000 BC જૂના પુરાવા
વાઇન ઉત્પાદનના સૌથી મજબૂત પુરાવા Tbilisiના દક્ષિણ ભાગમાં આવેલા Gadachrili Gora અને Shulaveris Gora નામના ગામોમાંથી મળી આવ્યા છે. વૈજ્ઞાનિકોને અહીં ખોદકામ દરમિયાન પ્રવાહી રાખવા માટે વપરાતા માટીના મોટા વાસણોના ટુકડા મળ્યા હતા. આ ટુકડાઓના Chemical Analysis દરમિયાન Tartaric Acid મળી આવ્યું હતું, જે દ્રાક્ષ અને વાઇનનું મુખ્ય કેમિકલ ફિંગરપ્રિન્ટ માનવામાં આવે છે. Carbon Dating દ્વારા જાણવા મળ્યું છે કે આ અવશેષો 6000થી 5800 BC વચ્ચેના સમયગાળાના છે.
Guinness World Recordમાં નોંધાયું નામ
આ મહત્વપૂર્ણ શોધના આધારે Georgiaને સત્તાવાર રીતે Guinness World Recordમાં વિશ્વના સૌથી જૂના વાઇન ઉત્પાદક દેશ તરીકે સ્થાન આપવામાં આવ્યું છે. અહીં પરંપરાગત રીતે વાઇનને Kvevri નામના ઈંડા આકારના મોટા માટીના વાસણમાં Ferment કરીને સ્ટોર કરવામાં આવે છે અને ત્યારબાદ તેને જમીનમાં દાટી દેવામાં આવે છે. Georgiaમાં દ્રાક્ષની 525થી વધુ સ્થાનિક જાતો જોવા મળે છે, જે પૃથ્વી પરનું સૌથી મોટું કલેક્શન છે.
પ્રખ્યાત Amber Wineની ખાસિયત
Georgia તેની Amber Wine માટે પણ વિશ્વભરમાં જાણીતું છે. આ એક પ્રકારની વ્હાઇટ વાઇન છે, જેને દ્રાક્ષની છાલ અને બીજ સાથે Ferment કરવામાં આવે છે, જેના કારણે તેને વિશિષ્ટ નારંગી રંગ મળે છે. વાઇન બનાવવાની આ શૈલીને અત્યાર સુધીની સૌથી જૂની પદ્ધતિ માનવામાં આવે છે. 8000 વર્ષોથી ચાલી આવતી આ અનોખી સંસ્કૃતિ આજે પણ Georgiaની ઓળખ બની રહી છે.
