નવી ગાડી લેવાનું વિચારો છો? રોકાઈ જજો! : Maruti થી લઈને Mahindra સુધી, લોન્ચ થવા જઈ રહી છે નવી SUV, આટલી હશે કિંમત

Upcoming compact SUV: વર્ષ 2025 નવી કાર માટે ખૂબ જ ખાસ રહેવાનું છે. જો તમે નવી કોમ્પેક્ટ SUV ખરીદવાની તૈયારી કરી રહ્યા છો, તો આ સમાચાર તમારા માટે ખૂબ ફાયદાકારક સાબિત થઈ શકે છે. મારુતિથી લઈને મહિન્દ્રા આ વર્ષે નવા વાહનો લોન્ચ કરવા જઈ રહી છે. ભારતમાં કોમ્પેક્ટ એસયુવી સેગમેન્ટ ઘણો મોટો છે અને આ સેગમેન્ટ હવે ઝડપથી વધી રહ્યો છે. ચાલો જાણીએ તે વાહનો વિશે જે આ વર્ષે લોન્ચ થવા જઈ રહ્યા છે…

Maruti Suzuki Fronx Hybrid
આ વર્ષે મારુતિ સુઝુકી તેની લોકપ્રિય SUV Fronxનું ફેસલિફ્ટ મોડલ લાવી રહી છે. આ વખતે આ SUVમાં હાઇબ્રિડ ટેક્નોલોજી પણ જોવા મળશે. નવા Fronxમાં Z સીરિઝનું 1.2 લિટર પેટ્રોલ એન્જિન મળશે. આ એન્જિન હાલમાં કંપનીની સ્વિફ્ટ અને ડિઝાયરને પાવર આપે છે. એવું માનવામાં આવે છે કે નવી હાઈબ્રિડની માઈલેજ 30kmplથી વધુ હોઈ શકે છે. તેની કિંમત 10 લાખ રૂપિયાથી શરૂ થઈ શકે છે.

Tata Punch Facelift
ટાટા પંચ લાંબા સમયથી ચર્ચામાં છે. પરંતુ તેની ડિઝાઇનમાં કોઈ ખાસ ફેરફાર જોવા મળ્યો નથી. આ SUV હજુ પણ ડિઝાઇન અને ગુણવત્તાના મામલે નિરાશ કરે છે. પરંતુ હવે એવું માનવામાં આવે છે કે કંપની આ વખતે તેની ડિઝાઇનમાં ઘણા મોટા ફેરફાર કરી શકે છે. એટલું જ નહીં તેના ઈન્ટીરીયરમાં પણ મોટા ફેરફાર જોવા મળી શકે છે. પરંતુ નવા પંચમાં સમાન 1.2L પેટ્રોલ એન્જિન મળશે. નવું મોડલ હાલના મોડલ કરતા થોડું મોંઘું હોઈ શકે છે કારણ કે તેમાં 6 એરબેગ્સ હોઈ શકે છે.

Mahindra XUV 3XO EV
મહિન્દ્રા તેની કોમ્પેક્ટ SUV XUV 3XO લોન્ચ કરવા જઈ રહી છે. પરંતુ આ વખતે તે ઇલેક્ટ્રિક અવતારમાં આવશે. હાલમાં આ વાહનનું ટેસ્ટિંગ ચાલી રહ્યું છે. Mahindra XUV 3XO EV એ એન્ટ્રી-લેવલ ઇલેક્ટ્રિક SUV હશે જે XUV 4OO ની નીચે સ્થિત હશે. ભારતમાં તે Tata Nexon EV અને Punch EV સાથે સ્પર્ધા કરશે. ભારતમાં આ નવી ઇલેક્ટ્રિક SUVની કિંમત 12 થી 15 લાખ રૂપિયાની વચ્ચે હોઈ શકે છે. તેની ડિઝાઇનમાં પણ કેટલાક ફેરફારો જોવા મળી શકે છે.