ભારત અને ઓસ્ટ્રેલિયા વચ્ચે રવિવારે બ્રિસ્બેનમાં બોર્ડર ગાવસ્કર ટ્રોફીની ત્રીજી ટેસ્ટ મેચ રમાઈ રહી છે. જ્યારે લોકસભા અને રાજ્યસભાના સાંસદોમાં પણ ક્રિકેટ ફીવર વધી ગયો. મેજર ધ્યાનચંદ નેશનલ સ્ટેડિયમ દિલ્હીમાં રાજ્યસભા અધ્યક્ષ-XI અને લોકસભા અધ્યક્ષ-XI વચ્ચે ફ્રેન્ડલી ક્રિકેટ મેચનું આયોજન કરવામાં આવ્યું હતું. આ ક્રિકેટ મેચમાં ભાજપના નેતાઓ, કેન્દ્રીય મંત્રીઓ તેમજ કોંગ્રેસના સાંસદો સામેલ છે. આ ફ્રેન્ડલી ક્રિકેટ મેચનો એકમાત્ર ઉદ્દેશ્ય ટીબી મુક્ત ભારત અને ફિટ ઈન્ડિયા છે. આજે શાસક પક્ષ અને વિપક્ષના સાંસદોએ આ ફ્રેન્ડલી ક્રિકેટ મેચ અંગે પ્રતિક્રિયા આપી હતી.
સાંસદોએ આપી પ્રતિક્રિયા
કેન્દ્રીય મંત્રી કિરેન રિજિજુએ આ ફ્રેન્ડલી મેચ વિશે મીડિયા સાથે વાત જણાવ્યું કે, "અમારા ઘણા સાંસદ સમકક્ષો અહીં ફિટનેસના હેતુથી રમવા આવ્યા છે. રમત દ્વારા લોકોમાં ઉત્સાહ જગાડવા માટે તેનું આયોજન કરવામાં આવ્યું છે. મને ખાતરી છે કે દરેક વ્યક્તિ પૂરી ઉર્જા સાથે રમશે. અમારો મંત્ર છે ટીબી મુક્ત ઈન્ડિયા અને ફિટ ઈન્ડિયા મૂવમેન્ટ ફિટનેસ વિના તમે દેશ માટે કંઈ કરી શકતા નથી તમારે માનસિક અને શારીરિક રીતે ફિટ રહેવું પડશે.
ટીબી મુક્ત ભારત બનાવવાનું લક્ષ્ય
ભાજપના સાંસદ અનુરાગ ઠાકુરે કહ્યું કે, "પીએમ મોદીએ 2025 સુધી ટીબી મુક્ત ભારત બનાવવાનું લક્ષ્ય આપ્યું છે. વૈશ્વિક લક્ષ્ય 2030 છે. જો તમે 2015થી અત્યાર સુધી જુઓ તો ટીબીના કારણે મૃત્યુમાં 38 ટકાનો ઘટાડો થયો છે. ભારત આખી દુનિયા કરતા સારું કરી રહ્યું છે. પરંતુ ભારતની વસ્તી ઘણી મોટી છે. આનો ઈલાજ છે. સરકાર મફત દવાઓ આપે છે. આ માટે 1000 રૂપિયા આપે છે. કેસો પણ ટ્રેક કરવામાં આવે છે."
ભાજપના સાંસદ રાજીવ પ્રસાદ રૂડીએ કહ્યું કે, "ટીબી મુક્ત ભારત તરફ સાંસદોનો આ એક અનોખો પ્રયાસ છે. અમારી ટીમના કેપ્ટન અનુરાગ ઠાકુર છે. તેઓ રમતગમત મંત્રી પણ રહી ચૂક્યા છે. આ સાંસદોનો બીજો ચહેરો છે. ક્રિકેટ સૌથી રસપ્રદ છે. વિશ્વમાં રાજ્યસભાની ટીમનું નેતૃત્વ સંસદીય બાબતોના મંત્રી કિરેન રિજિજુ કરે છે.
