પંજાબના ત્રણ યુવાનોનું ઈરાનમાં અપહરણ કરવામાં આવ્યું હતું અને કરોડો રૂપિયાની ખંડણી માંગવામાં આવી રહી છે. ત્રણેય યુવાનો સંગરુર, એસબીએસ નગર અને હોશિયારપુર જિલ્લાના છે. આ યુવાનોમાંથી એક હુસ્નપ્રીત સિંહ ધુરીના વોર્ડ નંબર 21નો રહેવાસી છે. યુવાનોને વર્ક પરમિટ પર ઓસ્ટ્રેલિયા મોકલવાના બહાને દિલ્હીથી ઈરાન મોકલવામાં આવ્યા હતા.
પરિવારના જણાવ્યા અનુસાર 1 મેથી યુવાનોનો પરિવાર સાથે કોઈ સંપર્ક નથી. અત્યાર સુધી 11 દિવસ વીતી ગયા છે. વીડિયો કોલમાં યુવાનો દોરડાથી બાંધેલા જોવા મળે છે. શરીર પર કાપાના નિશાન છે અને ગળા પર છરી રાખેલી બતાવવામાં આવી છે. ક્યારેક 55 લાખ, ક્યારેક એક કરોડ રૂપિયાની ખંડણી માંગવામાં આવી રહી છે. તેમને વિદેશ મોકલનાર એજન્ટ ફરાર છે.
Three youths from Punjab — residents of Sangrur, SBS Nagar, and Hoshiarpur — have been kidnapped in Iran since May 1. They were en route to Australia on work permits via Delhi but were taken to Iran instead. Kidnappers are demanding ₹55 lakh to ₹1 crore in ransom. The agent… pic.twitter.com/XpPSKJNnGW
— Akashdeep Thind (@thind_akashdeep) May 28, 2025
ઈરાનથી અપહરણ કરાયેલા ત્રણ ભારતીય યુવાન
હુસ્નપ્રીતની માતા બલવિંદર કૌરે સરકારને મદદ માટે અપીલ કરી છે. તેમણે કહ્યું કે તેમના પુત્રને ઓસ્ટ્રેલિયા મોકલવાના નામે છેતરપિંડી કરવામાં આવી છે. પાડોશી ભૂપેન્દ્ર સિંહે જણાવ્યું કે પટવારી તરફથી પત્ર મળ્યા બાદ તેમને અપહરણની માહિતી મળી. તેમણે સરકારને અપીલ કરી કે તમામ યુવાનોને સુરક્ષિત રીતે પાછા લાવે.
ત્રણેયને શોધવા માટે ઈરાની સરકાર પાસે માંગ કરવામાં આવી
ભારતીય દૂતાવાસે ઈરાની સરકાર પાસે માંગ કરી છે કે તેઓ ત્રણ ભારતીય નાગરિકોની સુરક્ષા સુનિશ્ચિત કરે અને તેમને શક્ય તેટલી વહેલી તકે શોધી કાઢે. આ મામલો ગંભીર છે અને ભારત સરકાર પાસેથી તાત્કાલિક કાર્યવાહીની માંગ કરવામાં આવી રહી છે.
