ઈલોન મસ્કની કંપની સ્પેસએક્સે ગુરુવારે તેના સ્ટારશિપ રોકેટની સાતમી ટેસ્ટ ફ્લાઈટ લોન્ચ કરી હતી. જેને લઈને સૌ કોઈ ખુશ હતા. પરંતુ આ લૉન્ચ પછી સ્ટારશિપ રોકેટ બૂસ્ટરમાં જોરદાર વિસ્ફોટ થયો હતો.
સ્પેસએક્સે પુષ્ટિ કરી કે તેમનો રોકેટ સાથે સંપર્ક તૂટી ગયો હતો. જેના કારણે આખો સ્ટારશિપ પ્રોગ્રામ ફેલ ગયો છે. આ બ્લાસ્ટના કારણે આકાશમાં આગના ગોળા જોવા મળ્યા હતા. જેના કારણે એર ટ્રાફિકને અસર થઈ છે.
મસ્કે શેર કર્યો વીડિયો
ઈલોન મસ્કે સોશિયલ મીડિયા પર વીડિયો શેર કર્યો અને લખ્યું 'સફળતા અનિશ્ચિત છે, પણ મનોરંજનની સંપૂર્ણ ગેરંટી છે'. આ સ્ટારશિપની સાતમી ટેસ્ટ ફ્લાઇટ હતી, જેને NASA ભવિષ્યમાં ચંદ્ર પર અવકાશયાત્રીઓનાં ઉતારવા માટે રિઝર્વ રાખવામાં આવી છે. મસ્કનું સપનું છે કે આ રોકેટ એક દિવસ મનુષ્યને મંગળ પર લઈ જશે.
કંપનીનું નિવેદન
સ્પેસએક્સે જણાવ્યું હતું કે બોકા ચિકા, ટેક્સાસથી ટેકઓફ થયાના થોડા સમય બાદ જ અવકાશયાનના છ એન્જિન એક પછી એક બંધ થઈ ગયા. માત્ર 8 1/2 મિનિટની ઉડાન પછી અવકાશયાનનો સંપર્ક તૂટી ગયો. આ ઘટના ત્યારે બની જ્યારે રોકેટનું સુપર હેવી બૂસ્ટર અવકાશયાનથી અલગ થવા લાગ્યું અને તેનો કાટમાળ આકાશમાં વેરવિખેર થઈ ગયો.
બીજી અનેક ફ્લાઈટ્સ મોડી પડી
રોકેટના વિસ્ફોટને કારણે ફ્લોરિડામાં ફ્લાઈટ્સ લેટ થઈ. ફેડરલ એવિએશન એડમિનિસ્ટ્રેશનનું કહેવું છે કે ફ્લાઈટ્સ એક કલાક મોડી થઈ રહી છે. આ સિવાય આ કાટમાળના કારણે અનેક વિમાનોએ પોતાના રૂટ બદલવો પડી રહ્યો છે.
