Top 10 Richest People 2025 : એલોન મસ્ક ઇતિહાસમાં પ્રથમ વ્યક્તિ બન્યા છે જેમની કુલ સંપત્તિ $600 બિલિયનને વટાવી ગઈ છે, જેનાથી વૈશ્વિક સંપત્તિનું સ્તર બદલાઈ ગયું છે. આ સિદ્ધિ તેમની પ્રાઇવેટ રોકેટ કંપની, સ્પેસએક્સના વેલ્યુએશનમાં ઝડપી વધારા પછી આવી છે, જેના કારણે તેમની સંપત્તિ પૃથ્વી પરના કોઈપણ અબજોપતિ કરતા વધી ગઈ છે. બ્લૂમબર્ગ બિલિયોનેર્સ ઇન્ડેક્સ અનુસાર, 15 ડિસેમ્બરના રોજ પૃથ્વી પરના સૌથી ધનિક લોકોની યાદી અહીં છે.
Top 10 ધનિક લોકોની નવી યાદી
એલોન મસ્ક
મસ્કની સંપત્તિ મુખ્યત્વે ટેસ્લા અને સ્પેસએક્સમાંથી આવે છે. આ તેમની કુલ સંપત્તિનો નોંધપાત્ર હિસ્સો બનાવે છે. તેઓ ટેસ્લામાં આશરે 13% અને સ્પેસએક્સમાં 42% હિસ્સો ધરાવે છે. સ્પેસએક્સના વેલ્યુએશનમાં તાજેતરમાં થયેલો વધારો તેમની સંપત્તિ વૃદ્ધિમાં એક મુખ્ય પરિબળ છે. મસ્કને ટેસ્લા તરફથી પરંપરાગત પગાર મળતો નથી. તેમની ચુકવણી ઇક્વિટી-આધારિત છે. સ્ટોક વેચવાને બદલે, તેઓ ટેસ્લાના શેર લોન માટે ગીરવે મૂકે છે, જેનાથી તેઓ માલિકી જાળવી શકે છે.
લેરી પેજ
266 બિલિયન ડોલરની નેટવર્થ સાથે અમીરોની યાદીમાં બીજા ક્રમે છે. તેઓ Google ના સહ-સ્થાપક છે અને Youtube થી સૌથી વધુ કમાણી કરે છે.
જેફ બેઝોસ
જેફ બેઝોસ 249 બિલિયન ડોલરની સંપત્તિ સાથે ત્રીજા સ્થાને છે. બેઝોસ એમેઝોનના લગભગ 9% હિસ્સો ધરાવે છે, જે તેમની સંપત્તિનો મુખ્ય સ્ત્રોત છે.
સેર્ગેઈ બ્રિનની
કુલ સંપત્તિ $247 બિલિયન છે. સેર્ગેઈ બ્રિને લેરી પેજ સાથે મળીને ગૂગલની સ્થાપના કરી હતી. પેજની જેમ, તેમની સંપત્તિ લાંબા સમયથી ચાલતી આલ્ફાબેટ ઇક્વિટીમાંથી આવે છે, જેમાં હાઇ વોટિંગ અધિકારો ધરાવતા ક્લાસ B શેરનો સમાવેશ થાય છે.
લેરી એલિસનની
કુલ સંપત્તિ $243 બિલિયન છે. એલિસન ઓરેકલમાં 40% થી વધુ હિસ્સો ધરાવે છે, જેના કારણે તેમની સંપત્તિ સીધી કંપનીના શેરના ભાવ સાથે જોડાયેલી છે.
માર્ક ઝુકરબર્ગ
માર્ક ઝુકરબર્ગ $228 બિલિયનની નેટવર્થ સાથે છઠ્ઠા ક્રમે છે. ખર્ચમાં ઘટાડો અને AI અને જાહેરાત કાર્યક્ષમતા પર વધુ ધ્યાન કેન્દ્રિત કર્યા પછી, 2023-2024માં Meta ના શેરમાં વધારો થયો, જેના કારણે ઝુકરબર્ગની નેટવર્થમાં ઝડપી વધારો થયો. ફેસબુક, ઇન્સ્ટાગ્રામ અને વોટ્સએપ મેટાના આવકના મુખ્ય સ્ત્રોત રહ્યા છે.
બર્નાર્ડ આર્નોલ્ટ
બર્નાર્ડ આર્નોલ્ટ, ધનિકોની યાદીમાં 7મા ક્રમે છે. તેમની કુલ સંપત્તિ $202 બિલિયન છે. તેમની સંપત્તિ વૈશ્વિક લક્ઝરી માંગ અને LVMH ની પ્રાઈસિંગ પાવર સાથે જોડાયેલી છે. આર્નોલ્ટનો પરિવાર કંપનીના સંચાલન અને ઉત્તરાધિકાર આયોજનમાં સક્રિય ભૂમિકા ભજવે છે.
સ્ટીવ બાલ્મરની
કુલ સંપત્તિ $167 બિલિયન છે. બાલ્મર 1980 માં માઇક્રોસોફ્ટમાં જોડાયા અને 2000 માં CEO બન્યા. 2014 માં પદ છોડ્યા પછી પણ, તેમણે તેમના માઇક્રોસોફ્ટ સ્ટોકનો નોંધપાત્ર હિસ્સો જાળવી રાખ્યો. ક્લાઉડ કમ્પ્યુટિંગ અને એન્ટરપ્રાઇઝ સોફ્ટવેરમાં માઇક્રોસોફ્ટના વિકાસથી તેમના હોલ્ડિંગના મૂલ્યમાં નોંધપાત્ર વધારો થયો. બાલ્મર માઇક્રોસોફ્ટના સૌથી મોટા વ્યક્તિગત શેરહોલ્ડર છે.
જેન્સન હુઆંગ
જેન્સન હુઆંગ $152 બિલિયનની નેટવર્થ સાથે 9 મા ક્રમે છે. હુઆંગે 1993 માં Nvidia ની સહ-સ્થાપના કરી હતી અને હજુ પણ તેના CEO છે. તેમની સંપત્તિ Nvidia ના ડેટા સેન્ટરોમાં વપરાતા આર્ટિફિશિયલ ઇન્ટેલિજન્સ અને GPU માં પ્રભુત્વમાંથી ઉદ્ભવે છે.
વોરેન બફેટ
વોરેન બફેટની કુલ સંપત્તિ $150 બિલિયન છે. બફેટે બર્કશાયર હેથવે દ્વારા લાંબા ગાળાના ઇન્વેસ્ટિંગ દ્વારા તેમની સંપત્તિ બનાવી. કંપની Apple, Coca-Cola, American Express અને GEICO અને BNSF રેલવે જેવા સંપૂર્ણ માલિકીના વ્યવસાયોમાં મુખ્ય હિસ્સો ધરાવે છે. બફેટે તેમની મોટાભાગની સંપત્તિ ચેરિટીમાં દાન કરવાનું વચન આપ્યું છે અને પહેલાથી જ અબજો ડોલરનું દાન કરી ચૂક્યા છે.
