ટેરિફ ઘટાડવા અમેરિકાએ ચીનને આપ્યો : માત્ર એક દિવસ સમય, ચીન ઘટાડશે ટેરિફ?

વિશ્વના દેશો પર યુ. એસ. દ્વારા રેસિપ્રોકલ ટેરિફ લાદવાની સાથે વેપાર યુદ્ધ શરૂ થયું છે. ટ્રમ્પે ચીનથી આયાત થતી વસ્તુઓ પર 20 ટકા ટેરિફ લાદ્યો છે. હવે તેમણે ચીન પર 34 ટકા રેસિપ્રોકલ ટેરિફ લાદ્યો છે, ત્યારબાદ ચીની ચીજવસ્તુઓ પર ટેરિફ વધીને 54 ટકા થઈ ગયો છે. આ પછી ચીને અમેરિકા પર 34 ટકા ટેરિફ લાદ્યો હતો. દરમિયાન, ટ્રમ્પે ચીની આયાત પર 50 ટકા ટેરિફ લાદવાની ધમકી આપી હતી, જેના કારણે ચીની ચીજો પર 70 ટકા ટેરિફ લાદવામાં આવશે.

અમેરિકાએ ચીનને આપ્યો એક દિવસનો સમય
અમેરિકી રાષ્ટ્રપતિએ કહ્યું કે જો ચીન 8 એપ્રિલ સુધી અમેરિકન ચીજવસ્તુઓ પર લાદવામાં આવેલા વધારાના ટેરિફને પાછો નહીં ખેંચે તો તેઓ બુધવાર સુધીમાં ચીની આયાત પર 50 ટકા ટેરિફ લાદશે. સોશિયલ મીડિયા પર એક પોસ્ટમાં ટ્રમ્પે કહ્યું કે જો જવાબી ટેરિફ પાછો ખેંચવામાં નહીં આવે તો અમેરિકા ચીન સાથે તમામ વાટાઘાટો બંધ કરી દેશે.

ચીને અમેરિકાને જડબાતોડ જવાબ આપ્યો
ચીનના નાણાં મંત્રાલયે શુક્રવારે કહ્યું હતું કે 10 એપ્રિલથી અમેરિકાથી આયાત થતી તમામ ચીજવસ્તુઓ પર 34 ટકા વધારાનો ટેરિફ લાદવામાં આવશે. ચીને અમેરિકાની ટેરિફને "દાદાગીરી"ગણાવી હતી અને કહ્યું હતું કે તે માત્ર અમેરિકાના હિતોને જ નુકસાન નહીં કરે પરંતુ વૈશ્વિક આર્થિક વૃદ્ધિ અને પુરવઠા સાંકળને પણ જોખમમાં મૂકે છે.

ચીને ખોટું કર્યુંઃ ટ્રમ્પ
અમેરિકાના રાષ્ટ્રપતિ ડોનાલ્ડ ટ્રમ્પે 34 ટકા ટેરિફ લાદવાના ચીનના નિર્ણયને 'ગભરાટ ભર્યો હુમલો' ગણાવ્યો હતો. તેમણે લખ્યું, 'ચીને ખોટું પગલું ભર્યું છે. તેઓ ગભરાઈ ગયા છે. આ એવી બાબત છે જે તેઓ સહન કરી શકતા નથી. ચીનનો જવાબી વેરો તેમના પર ઘણો ભારે હશે.