આતંકવાદના મુદ્દાઓ પર આખી દુનિયામાં પાકિસ્તાનને ઉઘાડું પાડવા સરકારે 7 સભ્યોનું ડેલિગેશન બનાવ્યું છે. જેને લઇને હવે ભાજપ કોંગ્રેસ આમને સામને આવી ગયા છે.કોંગ્રેસનો આરોપ છે કે તેમણે આપેલા 4 નામમાંથી માત્ર શશિ થરૂરને ડેલિગેશનમાં સામેલ કરાયા હતા. જેને લઇને કોંગ્રેસે શનિવારે પ્રેસ કોન્ફરન્સ કરી સરકાર પર દેશહિતના મુદ્દાઓ પર રાજકારણ કરી રહી હોવાનો આરોપ લગાવ્યો.
આતંકવાદના મુદ્દાઓ પર ચર્ચા કરતા રાજદ્વારી પ્રતિનિધિમંડળમાં કોંગ્રેસના 4 નામાંકિત પ્રતિનિધિઓમાંથી માત્ર એકને સામેલ કરવામાં આવ્યા બાદ કોંગ્રેસ પાર્ટીએ કેન્દ્ર સરકાર પર ‘રાજકારણ’ રમવાનો આરોપ લગાવ્યો છે. કોંગ્રેસના મહાસચિવ જયરામ રમેશે આ પગલાની ટીકા કરી હતી અને આરોપ લગાવ્યો કે સરકાર આતંકવાદ સામે લડવામાં રાષ્ટ્રીય એકતાને નબળી પાડી રહી છે. પાર્ટીએ પ્રતિનિધિમંડળ માટે ભૂતપૂર્વ કેન્દ્રીય મંત્રીઓ આનંદ શર્મા, શશિ થરૂર, મનીષ તિવારી અને પંજાબના ભૂતપૂર્વ મુખ્યમંત્રી અમરિંદર સિંહનો પ્રસ્તાવ મૂક્યો હતો, પરંતુ ફક્ત એકની જ પસંદગી કરવામાં આવી હતી.
જયરામ રમેશે રમેશે રાષ્ટ્રીય હિત પ્રત્યે કોંગ્રેસની પ્રતિબદ્ધતા પર ભાર મૂક્યો હતો, અને કહ્યું હતું કે પાર્ટી ભાજપના રાજકીય ખેલના સ્તર સુધી નહીં ઝૂકે. તેમણે સરકારને રાષ્ટ્રીય સુરક્ષાના મામલામાં પક્ષપાત કરતાં એકતાને પ્રાથમિકતા આપવા વિનંતી કરી હતી.
