CNG Price Drop Jan 1: નવા વર્ષ 2026 ની શરૂઆત ભારતીય ગ્રાહકો માટે રાહત લાવવાની તૈયારીમાં છે. Petroleum and Natural Gas Regulatory Board (PNGRB) એ ટેરિફમાં સુધારા (Rationalization) ની ઘોષણા કરી છે, જેનાથી દેશભરમાં CNG (કોમ્પ્રેસ્ડ નેચરલ ગેસ) અને PNG (પાઇપ્ડ નેચરલ ગેસ) ના ભાવમાં પ્રતિ યુનિટ 2 થી 3 રૂપિયાનો ઘટાડો થશે.
હવે 3 ને બદલે ફક્ત 2 ઝોન.
PNGRB સભ્ય એ.કે. તિવારીએ એક ઇન્ટરવ્યૂમાં જણાવ્યું હતું કે, નિયમનકારે ગેસ વિતરણ માળખાને સરળ બનાવ્યું છે. અગાઉ ટેરિફને અંતર પ્રમાણે ત્રણ ઝોનમાં વહેંચવામાં આવતો હતો, જે હવે ઘટાડીને બે ઝોન કરવામાં આવ્યો છે. નવા નિયમ મુજબ, હવે 'ઝોન 1' દેશભરના CNG અને ઘરેલુ PNG ગ્રાહકો માટે લાગુ થશે. ઝોન 1 માટેનો દર હવે ₹54 નક્કી કરવામાં આવ્યો છે, જે પહેલા ₹80 અને ₹107 હતો. આ ફેરફારને કારણે, સામાન્ય માણસના ખિસ્સા પરનો બોજ ₹2 થી ₹3 સુધી ઘટી જશે.
કોને ફાયદો થશે?
આ નવી ટેરિફ સ્ટ્રક્ચરના ભારતની 40 સિટી ગેસ ડિસ્ટ્રિબ્યૂશન (CGD) કંપનીઓ હેઠળના 312 ભૌગોલિક વિસ્તારોને આવરી લેશે. આ નિર્ણયથી CNG પર ચાલતી કાર, ઓટો અને બસોનો ખર્ચ ઘટશે. ઘરોમાં વપરાતું PNG પણ સસ્તું થશે, જેનાથી માસિક બજેટમાં સુધારો થશે.
કંપનીઓ પર નજીકથી નજર રાખવામાં આવશે.
PNGRB એ સ્પષ્ટ કર્યું છે કે, ગ્રાહકોને ટેરિફ ઘટાડાનો સંપૂર્ણ લાભ મળવો જોઈએ. એ.કે. તિવારીએ કહ્યું, "અમારું કામ ગ્રાહકો અને ઓપરેટરો બંનેના હિતોને સંતુલિત કરવાનું છે. અમે કંપનીઓ કિંમતો ઘટાડે છે તેનું નિરીક્ષણ કરીશું." વધુમાં, ઘણા રાજ્યોએ VAT (વેલ્યુ એડેડ ટેક્સ) ઘટાડ્યો છે અને પરવાનગી પ્રક્રિયાઓ સરળ બનાવી છે, જેના કારણે સમગ્ર દેશમાં ગેસ ઇનફ્રાસ્ટ્રક્ચરનું ઝડપી વિસ્તરણ થઈ રહ્યું છે.
