ચીને પોતાના મિત્ર દેશ પાકિસ્તાનને આપ્યો મોટો ઝટકો : આ હથિયાર આપવાનો કર્યો ઇનકાર, શાહબાઝ શરીફ ટેન્શનમાં!

ચીને પાકિસ્તાનની હાઇપરસોનિક મિસાઇલો અને તેની ઉત્પાદન ટેકનોલોજીની માંગણીને નકારી કાઢી છે. એક અહેલાલ મુજબ ચીને સ્પષ્ટપણે કહ્યું છે કે આ મિસાઇલો હજુ સુધી નિકાસ માટે ઉપલબ્ધ નથી અને હજુ સુધી એવું કોઈ વર્જન બનાવવામાં આવ્યું નથી જે અન્ય દેશોને આપી શકાય''. પાકિસ્તાન આ મિસાઇલ ઇચ્છતું હતું જેથી તે ભારતની ઝડપથી વિકસતી મિસાઇલ ટેકનોલોજી અને હાઇપરસોનિક સિસ્ટમ્સ સાથે સ્પર્ધા કરી શકે. ભારત પહેલાથી જ HSTDV જેવી મિસાઇલોનું પરીક્ષણ કરી રહ્યું છે, જે ખૂબ જ ઝડપી અને અદ્યતન છે. ચીનના ઇનકાર માટે બે મુખ્ય કારણો આપવામાં આવી રહ્યા છે. પ્રથમ પાકિસ્તાન પાસે પહેલાથી જ ઉપલબ્ધ ચીની શસ્ત્રોનું પ્રદર્શન અપેક્ષા કરતા નબળું રહ્યું છે. બીજું ચીનને ડર છે કે પાકિસ્તાન આ ટેકનોલોજી પશ્ચિમી દેશો સાથે શેર કરી શકે છે. જોકે પાકિસ્તાનને પહેલા ચીન પાસેથી ફાઇટર જેટ અને મિસાઇલ સિસ્ટમ્સ મળી ચૂકી છે
હાઇપરસોનિક મિસાઇલો ચીન બહાર મોકલવા નથી માંગતું
સંરક્ષણ વેબસાઇટ મુજબ ચીન તેના અન્ય શસ્ત્રો જેમ કે J-10CE ફાઇટર એરક્રાફ્ટ અથવા HQ-9 એર ડિફેન્સ સિસ્ટમના ખાસ નિકાસ વર્જન બનાવે છે, પરંતુ હાઇપરસોનિક મિસાઇલો એટલી અદ્યતન અને સંવેદનશીલ છે કે તે તેમને નિકાસ કરવા માંગતો નથી. ચીનની નીતિ છે કે ખૂબ જ આધુનિક અને શક્તિશાળી શસ્ત્રો, જે અન્ય દેશોને ન આપવા જોઈએ. પાકિસ્તાન ચીનની મદદથી આ મિસાઇલો ખરીદવા માંગતું હતું અને તેને જાતે બનાવવાનું શીખવા માંગતું હતું, પરંતુ ચીનના ઇનકારથી તેને મોટો ફટકો પડ્યો છે. આનાથી ભારત સાથે સ્પર્ધા કરવાના પાકિસ્તાનના પ્રયાસોમાં અવરોધ આવી શકે છે. સૂત્રોના જણાવ્યા અનુસાર, ચીન હાઇપરસોનિક ટેકનોલોજીને તેની વ્યૂહાત્મક સુરક્ષાનો એક મહત્વપૂર્ણ ભાગ માને છે, ખાસ કરીને અમેરિકા અને તેના સાથી દેશો સામે. આ જ કારણ છે કે તે પાકિસ્તાન જેવા નજીકના દેશને પણ આવી સંવેદનશીલ મિસાઇલ ટેકનોલોજી આપવા માંગતું નથી કારણ કે તેનાથી આંતરરાષ્ટ્રીય દબાણ અને રાજકીય તણાવ વધી શકે છે.
આ મિસાઇલોને વધુ તાકાતવર  બનાવવાનું કામ ચાલી રહ્યું છે
બીજું કારણ એ છે કે ચીન હાલમાં આ મિસાઇલોને વધુ તાકાતવર બનાવવા માંગે છે તેમજ તેનું ઉત્પાદન મોટા પાયે કરવા જઈ રહ્યું છે. જ્યાં સુધી આ પ્રક્રિયા પૂર્ણ ન થાય ત્યાં સુધી તે અન્ય કોઈ દેશમાં આ મિસાઈલ આપવા માંગતું નથી.