અમદાવાદ: ચાંદખેડાની સોસાયટીમાં મારામારી : પોલીસે કર્યું ઘટનાનું રિકન્સ્ટ્રક્શન, દારૂના વેચાણ અંગે તપાસ તેજ

Ahmedabad News: શહેરના ચાંદખેડા વિસ્તારમાં આવેલી પ્રહલાદ પાર્ક સોસાયટીમાં બે દિવસ અગાઉ થયેલી હિંસક મારામારીના મામલે પોલીસે કાયદાકીય ગાળિયો મજબૂત કરવાનું શરૂ કર્યું છે. ગુનાની ગંભીરતાને ધ્યાનમાં રાખીને પોલીસે પકડાયેલા આરોપીઓને સાથે રાખીને ઘટનાસ્થળે સમગ્ર મામલાનું ક્રાઇમ રિકન્સ્ટ્રક્શન (ઘટનાનું પુનઃનિર્માણ) કરાવ્યું હતું.

અમદાવાદમાં 149મી ભગવાન જગન્નાથજીની રથયાત્રા માટે તમામ તૈયારીઓ પૂર્ણ : 30 હજારથી વધુ પોલીસકર્મીઓ રહેશે તૈનાત

મિટિંગ દરમિયાન ફાટી નીકળ્યો હતો ઝઘડો

મળતી માહિતી મુજબ, પ્રહલાદ પાર્ક સોસાયટીમાં કથિત રીતે ચાલી રહેલા દારૂના વેચાણને બંધ કરાવવા માટે સોસાયટીના સભ્યોની એક મહત્ત્વની મિટિંગ બોલાવવામાં આવી હતી. આ મિટિંગ દરમિયાન જ મામલો બિચક્યો હતો અને બે પક્ષો વચ્ચે ઉગ્ર બોલાચાલી બાદ મામલો મારામારી પર પહોંચ્યો હતો. સોસાયટીના ચેરમેન દશરથગીરી ગોસ્વામી દ્વારા આ મામલે ચાંદખેડા પોલીસ સ્ટેશનમાં ધર્મેન્દ્રસિંહ મૂળચંદ પઢીયાર સહિત ચાર વ્યક્તિઓ સામે નામજોગ ફરિયાદ નોંધાવવામાં આવી હતી.

પોલીસે કેમ કર્યું રિકન્સ્ટ્રક્શન?

ફરિયાદના આધારે કાર્યવાહી કરતા પોલીસે આરોપીઓની અટકાયત કરી હતી. ત્યારબાદ, ઘટના કેવી રીતે બની, કયા સંજોગોમાં ઝઘડો શરૂ થયો, હુમલો કરવા માટે કયા હથિયારો કે સાધનોનો ઉપયોગ કરાયો અને સમગ્ર ઘટનાક્રમ શું હતો તે સમજવા માટે આરોપીઓને પ્રહલાદ પાર્ક સોસાયટીમાં લઈ જવામાં આવ્યા હતા. સ્થાનિક લોકોની હાજરીમાં પોલીસે સમગ્ર દ્રશ્યનું રિકન્સ્ટ્રક્શન કરી જરૂરી પુરાવા એકત્ર કર્યા છે.

અમદાવાદ રથયાત્રા માટે પોલીસ સંપૂર્ણ સજ્જ! : DyCM હર્ષ સંઘવી અને CP ગેહલોતે કર્યું રૂટ નિરીક્ષણ, હજારો પોલીસ જવાનો સાથે સુરક્ષાનું ગ્રાન્ડ રિહર્સલ

પોલીસ તપાસ હેઠળ

સોસાયટીમાં દારૂના કથિત વેચાણના આક્ષેપોમાં કેટલી સત્યતા છે અને મારામારી પાછળનું અસલી કારણ શું છે, તે પોલીસની ઊંડી તપાસ અને પૂછપરછ બાદ જ સંપૂર્ણપણે સ્પષ્ટ થશે. હાલમાં પોલીસે આસપાસના સીસીટીવી ફૂટેજ અને સાક્ષીઓના નિવેદનો લેવાની તજવીજ પણ હાથ ધરી છે.