હવે પાર્ટી બદલી રહી છે પોતાની રણનીતિ! : દિલ્હીમાં BJP નહીં બનાવે ડેપ્યુટી CM, સામે આવી સૌથી મોટી વાત

Delhi Assembly Elections 2025: દિલ્હીમાં PM નરેન્દ્ર મોદી વિદેશ પ્રવાસથી પરત ફર્યા બાદ ધારાસભ્ય દળની બેઠક યોજાશે. ધારાસભ્યોમાંથી જ દિલ્હીના સીએમની પસંદગી કરવામાં આવશે. સૂત્રોના જણાવ્યા અનુસાર દિલ્હીમાં ડેપ્યુટી સીએમ બનાવવામાં આવશે નહીં. દિલ્હીમાં યમુનાની સફાઈ સરકારની સૌથી મોટી પ્રાથમિકતા હશે અને તેના પર કામ થઈ રહ્યું છે.

સૂત્રોના જણાવ્યા અનુસાર પ્રથમ કેબિનેટમાં જ મોટા નિર્ણયો લેવામાં આવશે. દિલ્હીમાં આયુષ્માન ભારત યોજના લાગુ કરવામાં આવશે. દિલ્હીમાં ડેપ્યુટી સીએમ બનાવવાની ચર્ચા ચાલી રહી હતી, પરંતુ હવે પાર્ટી પોતાની રણનીતિ બદલી રહી છે. હવે કોઈ ડેપ્યુટી સીએમ નહીં બને.

સૂત્રોના જણાવ્યા અનુસાર પીએમ મોદીના આગમન બાદ અંતિમ નિર્ણય લેવામાં આવશે. ભાજપ ધારાસભ્ય દળની બેઠક 16 ફેબ્રુઆરી પછી યોજાઈ શકે છે. અગાઉ એવી અટકળો હતી કે સીએમ પદ સિવાય બીજેપી દિલ્હીમાં બે ડેપ્યુટી સીએમ બનાવી શકે છે. જેમાં મહિલા ધારાસભ્યના નામની વિચારણા ચાલી રહી હોવાનું બહાર આવ્યું હતું.

આ માટે ભાજપ ટૂંક સમયમાં નિરીક્ષકની નિમણૂંક કરશે તેવી અટકળો વહેતી થઈ હતી. બે ડેપ્યુટી સીએમ બનાવવાનો હેતુ વિવિધ જાતિ, સમુદાય અને પ્રાદેશિક પૃષ્ઠભૂમિના ધારાસભ્યોને સમાવવાનો હતો. ભાજપ મધ્યપ્રદેશ, ઉત્તર પ્રદેશ અને રાજસ્થાનમાં આવો પ્રયોગ કરી ચૂકી છે. હવે પાર્ટીના સૂત્રોએ આ તમામ અટકળો પર પૂર્ણવિરામ મૂક્યું છે.

હાઈકમાન્ડ નક્કી કરશે સીએમ- બિધુરી
હાલમાં ભાજપે પોતાના સીએમ પદને લઈને કોઈ સંકેત પણ આપ્યા નથી. બધા આ સવાલના જવાબની રાહ જોઈ રહ્યા છે કે કોણ બનશે દિલ્હીના સીએમ? આવી સ્થિતિમાં સતત અટકળો લગાવવામાં આવી રહી છે. બીજેપી સાંસદ રામવીર સિંહ બિધુરીએ તમામ અટકળો પર ઝાટકણી કાઢી છે. દક્ષિણ દિલ્હી લોકસભા સીટના સાંસદ બિધુરીએ દાવો કર્યો છે કે આમ આદમી પાર્ટીમાં વિભાજન થશે. દિલ્હીમાં ભાજપના સીએમ ચહેરા અંગે તેમણે કહ્યું કે આ બધું હાઈકમાન્ડ નક્કી કરશે.