મહારાષ્ટ્રમાં ચાલી રહેલા 'મરાઠી' બોલવાના વિવાદ પર ઘણી વાતો થઈ રહી છે. એક તરફ મનસેના વડા રાજ ઠાકરેએ તેમના કાર્યકરોને કહ્યું છે કે જો તમે કોઈને મરાઠી ન બોલવા બદલ માર મારશો તો તેનો વીડિયો ન બનાવો, જ્યારે અગાઉ મનસેના કાર્યકરોએ મીરારોડ વિસ્તારમાં એક ગુજરાતી દુકાનદારને માર માર્યો હતો. આ વિવાદ પર ભાજપના સાંસદ નિશિકાંત દુબેએ કહ્યું કે રાજ ઠાકરે અને ઉદ્ધવ ઠાકરે જે કરી રહ્યા છે તેનાથી ખરાબ કંઈ નથી.
મરાઠી વિવાદ પર નિશિકાંત દુબેએ શું કહ્યું?
ANI સાથે વાત કરતા નિશિકાંત દુબેએ કહ્યું "તમે કોની રોટલી ખાઓ છો? તમે લોકો અમારા પૈસા પર જીવી રહ્યા છો. તમારી પાસે કેવા પ્રકારના ઉદ્યોગો છે? ખાણો મધ્યપ્રદેશ, છત્તીસગઢ, બિહાર, ઝારખંડમાં છે. તમારી પાસે કઈ ખાણો છે? રિફાઇન્ડ અને સેમિકન્ડક્ટર ફેક્ટરી ગુજરાતમાં છે."
#WATCH | Guwahati, Assam | On Raj Thackeray's remark 'beat but don't make a video', BJP MP Nishikant Dubey says, "...You people are surviving on our money. What kind of industries do you have?... If you are courageous enough and beat those who speak Hindi, then you should beat… pic.twitter.com/gRvAjtD0iW
— ANI (@ANI) July 7, 2025
તેમણે કહ્યું “જો તમે એટલા હિંમતવાન છો અને હિન્દી ભાષીઓને મારતા હો, તો તમારે ઉર્દૂ, તમિલ અને તેલુગુ ભાષીઓને પણ મારવા જોઈએ. જો તમે આટલા મોટા 'બોસ' છો તો મહારાષ્ટ્રમાંથી બહાર આવો, બિહાર, ઉત્તર પ્રદેશ, તમિલનાડુ આવો, અમે તમને મારશું’. અમે બધા મરાઠી અને મહારાષ્ટ્રના લોકોનું સન્માન કરીએ છીએ, અમે છત્રપતિ શાહુજી મહારાજ, શિવાજી મહારાજ, પેશ્વાનોનું સન્માન કરીએ છીએ. તેઓએ ભારતની સ્વતંત્રતા માટે લડ્યા અને દેશની સ્વતંત્રતામાં ઘણું યોગદાન આપ્યું.”
‘BMC ચૂંટણીઓ અંગે સસ્તી રાજનીતિ’
નિશિકાંત દુબેએ કહ્યું કે BMC ચૂંટણીઓ આવી રહી છે અને તેથી જ રાજ અને ઉદ્ધવ સસ્તી રાજનીતિ કરી રહ્યા છે. જો તેમનામાં હિંમત હોય તો તેમણે માહિમ જઈને માહિમ દરગાહની સામે કોઈપણ હિન્દી કે ઉર્દૂ ભાષી વ્યક્તિને માર મારવો જોઈએ. પછી હું માનીશ કે તેઓ બાલા સાહેબજીના સાચા વારસદાર છે અને તેમના સિદ્ધાંતોનું પાલન કરી રહ્યા છે.
