Big Bash League : પર્થ સ્કોર્ચર્સ અને સિડની સિક્સર્સ બિગ બેશ લીગ 2025-26 મી ફાઇનલ મેચમાં ટકરાશે. પર્થ સ્કોર્ચર્સ ગ્રુપ સ્ટેજમાં પોઇન્ટ્સ ટેબલમાં ટોપ પર રહી હતી, એશ્ટન ટર્નરની કેપ્ટનશીપ હેઠળ દસમાંથી સાત મેચ જીતી હતી. સિડની સિક્સર્સ દસમાંથી છ જીત સાથે પોઇન્ટ્સ ટેબલ સ્ટેન્ડિંગમાં બીજા ક્રમે હતી. હવે બંને ટીમો ફાઇનલમાં રમશે. આ ફાઇનલનું ભારતમાં મેચનું લાઇવ ટેલિકાસ્ટ ક્યારે અને ક્યાં થશે તે જાણો.
નોકઆઉટ સ્ટેજમાં કઈ ટીમે શું કર્યું?
પ્લેઓફમાં, પર્થ સ્કોર્ચર્સે સિડની સિક્સર્સને હરાવીને ડાઇરેક્ટ ફાઇનલમાં પ્રવેશ કર્યો. ફિન એલનને પ્લેયર ઓફ ધ મેચ જાહેર કરવામાં આવ્યો હતો. ફિન એલને 30 બોલમાં 49 રન બનાવ્યા. ગ્રુપ સ્ટેજમાં ટોપના બેમાં સ્થાન મેળવ્યા પછી, સિડની સિક્સર્સને હોબાર્ટ હરિકેન્સને હરાવીને ફાઇનલમાં પહોંચવાની બીજી તક મળી. તે મેચમાં સ્ટીવ સ્મિથે 65 રન બનાવ્યા. પર્થ સ્કોર્ચર્સ તરફથી રમી રહેલા ફિન એલન આ સિઝનમાં સૌથી વધુ રન બનાવનારા ખેલાડીઓની લિસ્ટમાં બીજા ક્રમે છે અને ફાઇનલમાં તે ટોપ પર રહી શકે છે. હાલમાં, ડેવિડ વોર્નર 433 રન સાથે ટોપ પર છે. ફિન એલન 10 ઇનિંગ્સમાં 430 રન બનાવી ચૂક્યા છે.
પર્થ સ્કોર્ચર્સ સંભવિત પ્લેઇંગ 11
મિશેલ માર્શ, ફિન એલન, એરોન હાર્ડી, જોશ ઇંગ્લિસ (વિકેટકીપર), કૂપર કોનોલી, એશ્ટન ટર્નર (કેપ્ટન), લૌરી ઇવાન્સ, ઝાય રિચાર્ડસન, બ્રોડી કાઉચ, ડેવિડ પેને, માહલી બીર્ડમેન.
સિડની સિક્સર્સની સંભવિત પ્લેઇંગ 11
ડેનિયલ હ્યુજીસ, સ્ટીવ સ્મિથ, જોશ ફિલિપ (વિકેટકીપર), મોઇસેસ હેનરિકસ (કેપ્ટન), જોએલ ડેવિસ, લાચલાન શો, જેક એડવર્ડ્સ, બેન દ્વારશુઇસ, બેન્જામિન માનેન્ટી, સીન એબોટ, મિશેલ સ્ટાર્ક.
બિગ બેશ લીગ 2026 ની ફાઇનલ ક્યારે, ક્યાં અને કેટલા વાગે રમાશે?
BBL 2025-26 ની ફાઇનલ રવિવાર, 25 જાન્યુઆરીએ પર્થના ઓપ્ટસ સ્ટેડિયમ ખાતે યોજાશે. BBL ફાઇનલ ભારતીય સમય મુજબ બપોરે 1:45 વાગ્યે શરૂ થશે, જેમાં ટોસ અડધો કલાક પહેલા થશે.
બિગ બેશ લીગ 2026 ની ફાઇનલનું લાઇવ ટેલિકાસ્ટ અને લાઇવ સ્ટ્રીમિંગ ક્યાં થશે?
BBL 2025-26 ની ફાઇનલનું ભારતમાં સ્ટાર સ્પોર્ટ્સ નેટવર્ક પર લાઇવ ટેલિકાસ્ટ કરવામાં આવશે. પર્થ સ્કોર્ચર્સ વિરુદ્ધ સિડની સિક્સર્સ બિગ બેશ લીગની ફાઇનલ મેચ ભારતમાં JioHotstar એપ અને વેબસાઇટ પર લાઇવ સ્ટ્રીમિંગ કરવામાં આવશે.
