અયોધ્યા રામ મંદિર : ડિસેમ્બર-2025 સુધીમાં કામ પૂર્ણ થશે

ઉત્તર પ્રદેશના અયોધ્યામાં બની રહેલા ભગવાન રામના મંદિરને વધુ આકર્ષક બનાવવા માટે મંદિર સમિતિ સતત નવા પ્રયાસો કરવામાં આવી રહ્યાં છે. રામ મંદિરનું નિર્માણ ઝડપથી ચાલી રહ્યું છે. આ વર્ષે ડિસેમ્બર સુધીમાં મંદિર સંકુલમાં ઓડિટોરિયમ સિવાયની તમામ કામગીરી પૂર્ણ કરવાનો લક્ષ્યાંક છે.

દરેક ભક્તની ઈચ્છા હોય છે કે એક વખત અયોધ્યા આવીને આખું મંદિર જુએ અને ભગવાન રામના દર્શન કરીને ભાવુક થઈ જાય. રામ મંદિર ટ્રસ્ટ ડિસેમ્બર 2025 સુધીમાં આ ઈચ્છા પૂરી કરશે. આ ઉપરાંત ટ્રસ્ટ ભગવાન રામના જીવન પર આધારિત એક ગેલેરીનું પણ નિર્માણ કરી રહ્યું છે, જે ઝડપથી થઈ રહ્યું છે.

રામ દરબારમાં 800 લોકો દર્શન કરી શકશે

અયોધ્યા પહોંચેલા બિલ્ડિંગ કન્સ્ટ્રક્શન કમિટીના અધ્યક્ષ નૃપેન્દ્ર મિશ્રાએ કહ્યું કે, આંતરરાષ્ટ્રીય રામ કથા મ્યુઝિયમમાં 20 ગેલેરીઓનું નિર્માણ કાર્ય આજથી શરૂ થશે. તેમજ, ભગવાનના જીવન પર આધારિત સ્ક્રિપ્ટની પણ ગેલેરીમાં સમીક્ષા કરવામાં આવશે. મે મહિનાના પહેલા 15 દિવસના શુભ મુહૂર્તમાં મંદિરના પહેલા માળે રામ દરબારની મૂર્તિ સ્થાપિત કરવામાં આવશે. રામ દરબારમાં જવા માટે પાસની જોગવાઈ હશે, જે સંપૂર્ણપણે મફત હશે. એક કલાકમાં વધુમાં વધુ 50 લોકોને જ પાસ મળશે અને આખા દિવસમાં લગભગ 800 લોકો રામ દરબારના દર્શન કરી શકશે.

તમામ બાંધકામ 2025 સુધીમાં પુર્ણ થશે

રામ કથા મ્યુઝિયમમાં ગેલેરીનું નિર્માણ આજથી શરૂ થશે. આજથી 20 ગેલેરીઓનું બાંધકામ શરૂ થશે અને ભગવાનની થીમ પર આધારિત ગેલેરીની સ્ક્રિપ્ટની પણ સમીક્ષા કરવામાં આવશે. તમામ બાંધકામ 2025 સુધીમાં પૂર્ણ થશે થઈ જશે.